天外天

同久未见面嘅P哥食饭梗系食好啲. 见呢间上网几多人赞,一于订台.第一次嚟,以为平时红隧口𠮶边系入口,原来反方向至系. 搭䢂上顶楼,门口知客问过订位资料就量体温,之后一入内见到自助餐格局,即时吓倒并询问一下,原本有部份位置系比客房住客的西餐区. 由于订位时无特别要求要窗口位,所以被安排靠墙座位. 女侍应好好耳,虽然她不是长期企喺我哋旁边,原来喺我哋讨论点咩菜时已记入脑,当点菜时P哥有时忘记了,她帮口补充.五香安格斯脆腩片 - 当大家都以为系烧腩仔(猪肉)时,突然醒起呢个系安格斯(牛肉) 腩片唔漏, 两个人食晒全碟都仲食到其他菜.港式片皮鸭 – 卖相无特别,味道亦普普通通,么么皮偏厚. 不过细心嘅P哥发现么么皮同鸭嘅1:1比例,赞厨师有数过至出菜.宫保爆鸡球 – 又系普普通通.榄菜鲜淮山四季豆 – 咸…奇在只有鲜淮山唔咸. 杨枝甘露 – 似花奶糖水. 加送平时宴会的美点双辉:合桃酥+桂花糕. 整体:环境: 景靓(坐到窗口位,个景会更正)! 当晚可能有宴会,比较嘈!食物: 味道不似预期，可以更好!服务: 良好!