蒸廬

营业中

休息中

呢间系小店系转角位，店面唔大唔起眼，但好多人系外面排队，今日就同同事提早去等位试一试。店面比较细，坐得比较逼，繁忙时间要搭枱都在所难免。餐单选择有唔同点心，蒸饭同埋炖汤。我今次单点左南瓜凤爪排骨饭，$45，每个饭嘅份量都好大，就算男仔食都一定够。个饭系用蒸笼装住，下面用荷叶铺底，上面铺住菜粒，中间有南瓜，同主角凤爪排骨。菜粒令成个饭多左口感，凤爪同埋排骨份量多，味道适中，佢唔会好似外面点心好多味精，不过就食完个饭见到荷叶上面有好多油...同事叫咗炖汤话味道偏淡，下次可以试埋点心同炖汤。