碗碗香 (已結業)

今日同几个朋友去开铜纙湾, 四围都系人, 又唔想食谭仔, 有人提意去食麻辣粉面~ 但系谭仔同南记都食到闷闷地, 我突然醒起系加路连山有一间叫碗碗香食贵州粉面既 都开咗成年都未试过~ 咁就去试下佢啦~ 星期六下午4点~ ~ 去到碗碗香, 都几FULL~ 8-9成入座, 好好彩我地啱啱4个人有位~ 实在系太好了~ 坐底见睇下个餐牌~ 唔算太贵, 价钱化算的.有一个几后生好爽朗既女仔招呼同介绍我地食物, 我话佢系老板娘, 年纪好细~ 好nice, 佢推介咗我地食一个红烧牛肉面, 一个贵州冷面, 都饮佢地贵州土特产苦丁茶.红烧牛肉面---汤底好浓既骨味, (乜野骨就饮唔出啦~ 总之好味啦) 牛肉好厚, 炆得好林, 个面应该似米线, 但系好粗, 好滑~ 成碗面好好食~贵州冷面---我都系第一次食, 冷面但系酸辣的, 有陈醋既香味, 同少少麻辣, 好醒胃, 值的一试,最后要讲下佢个苦丁茶, 一定要试冻的~ 好解辣, 好解口渴, 苦完有回甘~ 碗碗香值得推介~