永華麵家 (已結業)

其实香港地备受欢迎嘅店真系唔少，每个人身边或多或少都有一d好食又抵食嘅店，永华系我心目中，就系一家好食嘅店，不过唔算抵食，一碗细细细碗嘅云吞面四十几，真系觉得有些小贵，特别系我呢种大胃王喇，食唔饱吖！不可否认，味道系正！云吞皮薄，馅大，虾仁新鲜，猪肉新鲜，整出来嘅云吞当然都好食喇！汤味道都几好味，捞著d竹升面真系正，竹升面比较硬身，弹牙，真系好正！以后可以试下清汤面，肯定都同样好食！陈皮红豆沙，其实我钟意用陈皮来煲绿豆沙，红豆沙同陈皮就比较少，不过红豆沙真系几原味，有d陈皮嘅清香，都几可以！虾子捞面，面比较香口，虾子好多吖，面好正！