磊犇 (已結業)

今日得闲，就专登去食下铁板牛。好彩我同朋友早咗去，所以唔使等太耐。佢哋嘅购买方法全部都系自助形式，我哋就叫咗一分西冷牛扒同埋牛肩肉。各200克同300克。因为我同朋友都唔钟意食有根嘅牛肉比较难咬，所以叫依两款。系等待我哋嘅点餐嘅同时，我哋就去自助bar攞餐具，整酱汁，同埋攞汤同饭，留意番，佢哋嘅白饭同埋面豉汤都系任食，一定食得饱㗎！西冷牛扒比较软口同有牛肥脂，牛肉味道浓味一点。切条形就熟得好快，建议另外拎个碗防止佢变得太熟。 佢地嘅自助形式，可以令我哋自己调更适合嘅熟度，同埋佢哋有三款唔同嘅酱汁，包括照烧汁，麻酱，胡椒汁。牛肩肉比较厚肉，正正子！有一少部份有根，但唔影响软硬度，易切！点烧汁最好味，记得要加埋啲玫瑰粗盐！佢哋嘅镬气好重，铁板系keep住热，所以唔怕啲肉冻同唔够熟。饮品种类都有四款，同埋有时如果多人等待嘅时候，我哋就可以先夹啲泡菜，沙律食住先。1845就full house，全家6个7个都嚟食，我哋食完就让位比人食啦。