三不館車仔麵 (登發街)

营业中

休息中

夜晚喺路德围行吓睇吓有咩食就见到呢间久仰大名嘅三不馆，一于入去试吓成间铺嘅装修都行住一种怀旧嘅港式风格，配埋盏鬼嘅「祖传三代，现为第一代」，望住啲装修即刻觉得啲嘢食都会好好味。唯一要讲吓嘅系大家都系坐折凳，真系冇咁好坐～叫咗两碗面，特别觉得卤水猪大肠好出色，入味得嚟唔会有臭味。另外个鱼腐都好挂汤好正不过个橙色虾卷就唔太推荐啦，有少少虾味但系都系食紧一旧面粉咁建议可以试其他。另外见到餐厅新出品嘅自家制奶茶，一樽要22蚊有少少贵，但系唔系即冲所以唔会俾冰沟淡，一于试吓佢！一饮又真系几正，茶同奶嘅比例啱啱好，系好香浓嘅奶茶。