祥仔辣辣 (海運大廈) (已結業)

近排海港城泊车优惠太吸引，所以揸车出开尖沙咀都会泊喺海港城，行下街食下野就可以免费泊车。今次系第二次食祥仔辣辣，见到大部分人都系食佢个辣辣二人餐 ($498, 正价可用海港城coupon，会员价就减$100)。可能太多人叫同一个餐既关系，除左甜品所以野食都好快上齐😅😅唔系好适合你慢慢叹，热荤亦唔算好新鲜热辣。前菜三小碟同土豆丝味道都系一贯食开既味道，个虾 (冇影到) 就普通，而且唔系好新鲜，似系用左啲雪左一段时间既虾。反而个辣子鸡唔错，餣得几入味又好惹味，如果有碗白饭就正😋😋主角酸菜鱼都交到功课，鱼肉软滑而且吸收左个汤底，几好味，建议平时食到少少辣既朋友可以试中辣。甜品系椰汁做底既凉粉，卖相一般，个椰汁花奶睇落有少少痴埋一粒粒，有少少影响食欲。最大既败笔系只匙羹，个面太细但凉粉太滑，几乎要扒入口先食到……总括黎讲系不过不失既一餐啦。