Snow Sandwich (已結業)

因为政府禁止晚饭时段堂食，所以同朋友行街买外卖返屋企食，之前已经路过几次呢间小店，但见店仔细细，要坐街边所以一直无试。今日终于鼓起勇气去试下，本人一向好意粉，所以拣左黑松露鸭胸意粉，朋友拣左炭烧鸡扒炒乌冬。由于即叫即制，所以制作需时，前前后后加埋都等左30分钟。由于太饿所以唔记得影相，一打开盒最香系鸡扒炒乌冬，因为个面落左大量紫菜条，令个炒乌冬啲镬气涌晒出黎。调味好好，唔会太咸，而且乌冬仲保持到好弹牙，朋友劲Like话下次一定要encore。至于我个黑松露鸭胸意粉，黑松露酱好足料，鸭胸肉亦煎得好香，意粉都好有咬口，我最怕啲意粉林晒一挞甘，佢唔会，佢系条条分明，唯一缺点系佢落左三色椒，我个人唔好，整体而言，水准好高，绝对值得一试。