牛惣居酎屋

营业中

休息中

今日同朋友2人短暂饭聚，揾到呢间串烧居酒屋，午市定食其实都好吸引抵食，但又想食好少少，叫左2人串烧餐，可以试多几款食物款式。铺仔细细但座位阔落，枱数唔多，唔怕人流太多的风险。刺身有三文鱼，油甘鱼同牡丹虾，整体都好新鲜，虾肉系透光玻璃色，鲜甜弹牙，油甘鱼油脂香味好浓，齿颊留香。自家制豆腐好大份，外皮烧得香脆，内里保留到幼滑质感，比普通烧豆卜的确更胜一筹。巨峰梳打同青柠梳打，味道清爽，同串烧好夹。烧鸡翼烧得好好，皮够脆，腌制味道刚刚好，有肉汁。芦笋豚肉卷烧得好香，芦笋够嫩无筋，而且juicy, 有豚脂香味，味道更加有层次。主角横格肌烧好有创意心思，右一黑芝麻酱，右二蜜糖，左一香葱蒜蓉，左二山葵洋葱，我觉得最特出系黑芝麻酱，同牛肉出奇咁夹，比白芝麻更香浓，牛肉肉质好嫩又多汁，系高水准牛肉之作。最后热乌冬亦弹牙暖胃。服务周到，价钱相宜，系想静静地叹清酒串烧嘅好地方。