影片
更多
2024-06-05
53 浏览
上水汇有几间餐厅，鋿晶馆就位于2楼，天桥一入商场就会见到，商场比较暗但一入去间餐厅就非常光猛同宽敞！！去到坐左系边边位置，餐厅职员好热情，完全无忽略坐喺角落头嘅我哋，仲会主动行过嚟同我地落单。而且佢哋笑容都好亲切，赞！（1）尖椒回锅炒腩片 $78好够火候，好够味，热辣辣，唔会太辣，腩片份量充足，食落好嫩口唔会太老。（2） 南瓜海皇浸菜远 $88呢味菜一上枱见到佢黄黄嘅汤就觉得好入味，满满嘅南瓜清香，汤入面仲有南瓜蓉，啲汤比我清晒！呢碗菜远海鲜份量都好多，有虾有带子有鱼，无雪藏味，食落唔会好霉好腍！啲菜都好新鲜，煮得啱啱好。（3） 豉蒜带子虾球豆腐 $138呢款系餐厅嘅新菜色，8件豆腐，4旧铺咗豆豉带子，另外四旧铺咗蒜蓉大虾。两只味道完全唔同，一碟菜式可以有两种口味，好满足。带子同大虾啲肉都好结实，配上又滑又香豆味嘅豆腐，再加上豆豉/蒜蓉，送饭一流！两款都好好味，但私心比较钟意蒜蓉大虾！！（4） 沙嗲牛肉面 $28好香沙茶味，仲有花生味，牛肉唔会硬到咬唔开，啲汁唔会杰挞挞，公仔面浸完都唔会淋晒胀晒，饱饱都忍唔住要KO晒成碗面！（5） 苹果山楂 荔枝乌龙茶 $38@呢间餐厅有提供特饮，叫黎
去到坐左系边边位置，餐厅职员好热情，完全无忽略坐喺角落头嘅我哋，仲会主动行过嚟同我地落单。而且佢哋笑容都好亲切，赞！
（1）尖椒回锅炒腩片 $78
好够火候，好够味，热辣辣，唔会太辣，腩片份量充足，食落好嫩口唔会太老。
（2） 南瓜海皇浸菜远 $88
呢味菜一上枱见到佢黄黄嘅汤就觉得好入味，满满嘅南瓜清香，汤入面仲有南瓜蓉，啲汤比我清晒！呢碗菜远海鲜份量都好多，有虾有带子有鱼，无雪藏味，食落唔会好霉好腍！啲菜都好新鲜，煮得啱啱好。
（3） 豉蒜带子虾球豆腐 $138
呢款系餐厅嘅新菜色，8件豆腐，4旧铺咗豆豉带子，另外四旧铺咗蒜蓉大虾。两只味道完全唔同，一碟菜式可以有两种口味，好满足。带子同大虾啲肉都好结实，配上又滑又香豆味嘅豆腐，再加上豆豉/蒜蓉，送饭一流！两款都好好味，但私心比较钟意蒜蓉大虾！！
（4） 沙嗲牛肉面 $28
好香沙茶味，仲有花生味，牛肉唔会硬到咬唔开，啲汁唔会杰挞挞，公仔面浸完都唔会淋晒胀晒，饱饱都忍唔住要KO晒成碗面！
（5） 苹果山楂 荔枝乌龙茶 $38@
呢间餐厅有提供特饮，叫黎一试点知有惊喜。两杯都有特别造型嘅冰：苹果山楂系熊啤啤冰块；乌龙荔枝茶系玫瑰花冰块，啱晒钟意打卡嘅我。两杯特饮都唔会只有甜味，食完野饮返杯冻冰冰嘅特饮为呢餐饭划上完美嘅句号！
总括呢一间餐厅嘅性价比几高，食物好食之余，服务员态度亲切，下次会再食。
张贴
