輝哥私房菜 (已結業)

天气越嚟越冻，成日都好想打边炉，难得同事有同感，一于收工一齐就去打边炉啦。同事话佢之前试过一间私房菜打边炉，价钱又唔贵，嘢食又好新鲜，一于就咁决定啦餐厅位于尖沙咀三角公厕附近，地理位置来讲都算好方便一坐低梗系叫咗个汤底先呀，最后大家一致决定叫胡椒猪肚花甲汤底，胡椒味虽然唔算好重，但饮落都有少少辣辣地，个身即刻暖晒，猪肚爽口，而且花甲好大只，所以汤头好鲜甜，火锅配料未上我哋每人已经饮咗两大碗汤叫咗汤底之后，就梗系要混酱啦！钟意呢度嘅调味配料好新鲜干净，唔会好似出面有啲餐厅咁污污糟糟牛颈脊牛颈脊肥瘦分布10分适中，厚薄亦都切得啱啱好，一放落汤底唔够10秒就熟左，入口即溶仲好香牛味，好食爆浆芝士虾丸呢粒虾丸超大粒，仲大粒过乒乓波，而且肉质爽口弹牙，芝士味香浓，个芝士仲可以拉丝添， 食落超级过瘾其他火锅配料亦都10分新鲜干净超钟意佢呢一个五花茶，系师傅每日亲自自己煲嫁，超香五花茶味，而且唔会过甜，个感觉似系妈咪自己屋企煲果种，饮落超级温暖埋单每人＄400 ,私房菜来讲都算几抵食。而且食物新鲜，服务质素亦都好好，坐得都几舒服，以尖沙咀地段来讲，呢间餐厅都可以纳入朋友聚会之中嘅餐厅list里面