Palette (已結業)

见到openrice有coupon, 之前又黎过Hotel sav食下午茶，对佢地既食物都有信心，所以今次同几个朋友一齐黎食番餐好既!首先，每位都有一客燕窝/佛跳墙, 我拣左燕窝养养颜，看似平平无奇，但用料充足，啖啖都食到燕窝。铁板烧亦是重点之一，每次可以选择阿拉斯加长脚蟹/元贝/鲍鱼 (三拣二)我拣左阿拉斯加长脚蟹+元贝，长脚蟹非常鲜甜多汁，即使烧过亦唔会干身，仲保留到蟹肉鲜味! 原本朋友嫌麻烦唔拣长脚蟹，最后大家都被佢吸引到食左两次先收手。呢度仲有无限波士顿龙虾比你食，龙虾虾肉口感扎实，容易从虾壳中取出。呢度食buffet最好系即使比人攞晒都好快有新既龙虾送上，唔洗担心。私房菜:其他食物:甜品:甜品黎讲，最吸晴既系呢个西瓜蛋糕！又似样又有西瓜味，味道唔会好假/好药水，另外仲有香蕉朱古力蛋糕都好好味，中间有香蕉cream,质感绵密!最后我仲饮左个海鲜汤，可以自选海鲜配料，味道清甜。总括来说，呢度既buffet确实抵食，而环境十分宁静舒适，几适合一家大细黎慢慢享受。