健康工房 - 五季甜悅

营业中

休息中

踏入秋季天气开始干燥，行行下太古城Aeon见到间五季甜悦，其实亦即系健康工房，里面嘅食物好似大部份都系素食，而今次我和妈入去就叫咗两个秋季养生甜品，一个系和肝血及清心火嘅椰汁桃胶雪莲子西米露$48及一个润肺滋润嘅百合莲子桃胶杏仁糊$48。两个甜品都系叫热嘅，亦都好快送到，两个我都有食，我个人都系钟意食百合莲子桃胶杏仁糊多啲，因为唔会太甜，而且百合莲子好好味又唔苦，桃胶质感烟韧，加埋杏仁糊真系唔错嘅配搭，至于椰汁桃胶雪莲子西米露，个人觉得略甜，西米露嘅西米略少咗啲，不过整体都系好味，好香嘅椰汁味。总括： 甜品唔错，环境舒适，无加一，有机会一定会再去食。