健康工房 - 五季甜悅

营业中

休息中

健康工房平時有券得閒就會拎支茶飲好方便，但佢既餐廳就比較少見。呢間開係康怡Aeon 一個靜靜地既位，平時行過拎完茶就走，不過有次發現有人係入面食緊野，望下望下職員就話可以望下餐牌睇下岩唔岩食，於是我一望！！係菇！！就坐低左，自此之後突然好想食菇就會黎呢度！本人係菇控，特別中意冬菇味，呢碗以菇為主角既烏冬，真係可以無限loop。❤️松茸珍菌三絲素煨麵 $60烏冬上面放左一堆菇🤤睇到已經好想食，菇🍄蚊到好淋，亦好入味，佢個汁充滿菇味，食食下成個麵既湯都好菇，中意菇，特別係冬菇既人一定會中意食🤤另外佢有個少少辣既菜脯，放晒落去撈住食，少少辣又有啲咬口，口感脆脆地同個麵一齊食真心正！另一碗係湯，以為會有啲料食下，點知得個湯，有少少失望，下次淨係食麵就夠晒🤤

平時都會買定一疊湯券，經過aeon呢間分店好好，因為可以堂食，又可以用湯券換，慳好多！今次換左蟲草響螺湯，好快就有得飲，店員會托餐比你，熱辣辣！唔用券的話要67蚊一碗湯，咁唔係好抵喇。肚餓的話可以加小食，平時我會叫杞子燒賣，今次就冇要。放工時間好多位，又好坐，地方好闊落，都算乾淨。未見過有員工會好快收你啲野要你走，啲姐姐大部分都好親切架。飲完之後，拎返張單同湯券埋單就得喇～啱晒啱啱喺附近行緊街的人～

早幾日去aeon 買嘢見到呢間少見有堂食的健康工房，坐低食個quick lunch, 環境舒適寬敞. 叫左個香菇瑤枉蝦米粉仔（$48）另外叫左個蕃茄魚湯. 水就自助可以自己refill. 個粉仔有幾粒香菇係好味嘅雖然唔多唔大粒，個湯底真心正，超香蝦米咸香瑤柱味，個粉彈牙有𡁻口，另外有個辣菜甫跟粉撈埋食超好味. 個湯底飲左一半.至於個湯，足料蕃茄味同鮮魚味，雖然冇湯渣只係得湯都飲到足料新鮮，都六十幾蚊一個湯，係真心貴左少少. 偶爾豪一下都可以.

🎈在康怡廣場行得攰，試圖找間食店坐下休息，路過見到一間小店，望入去環境乾淨，而且價錢不貴，豪不考慮進入食店坐下。🎈五季甜悅，供應食物有限，但每一樣食物有不同的功效，圖文並茂，很清晰！發覺原來是健康工房的堂食店，更加放心啦！🎈點了菜肉包及桃膠芝麻糊，都不大記起食用功效，但是味道很不錯，有口感又有益，我會多啲幫襯！🎈服務員態度好又友善，進食期間不停有客人買外賣，相信應有品質保證及效果吧！個人評分食物🌟🌟🌟🌟🌟服務🌟🌟🌟🌟環境🌟🌟🌟衛生🌟🌟🌟抵食🌟🌟🌟🌟

住呢頭諗唔到食咩就會食呢間健康工房，我最鍾意食佢個素湯麵，有冬菇蝦米瑤柱蟲草做餸，面底係類似上海麵咁煙煙unun，仲可以配埋佢啲辣菜莆通常我會配埋個冰糖桃膠糖水，偶然食一餐全素食都唔錯！

說起中式甜品，很多人都會覺得很老土，味道和賣相也不及西式甜品般美味。但是，人越大，就越會明白到健康的可貴。比起高糖份高脂肪的忌廉/巧克力/焦糖 等等，中式糖水要來得正氣多了。這間健康工房，不單止提供各款中式甜品，還有一些較健康的熱食供應，位置也比較闊落。 中午來的時候，一定會點這個雞麵。如果你以為會是淡而無味的，你就錯了！ 雞肉調味得非常入味，還可以細細品嚐各種菇類的味道。分量對男生來說可能有點少，所以大多數人都會額外叫一份燒賣。他們的燒賣也很好吃的。 近來還多了餃子的選擇，下次可以試試！

去健康工房通常都是買燒賣或樽裝飲品食，但這一間有堂食，有粥麵選擇。餐牌只見到有啲菇類的烏冬，亦都有粥類選擇。冬菇瑤柱蝦米乾粉仔這個味道都不算太淡，最能增加烏冬和湯底的味道就是那些有辣味的榨菜，烏冬彈牙，冬菇不會有噏味。素粥這個味道很淡，只覺得粟米味道較突出， 不過每一匙都載滿豐富的材料，如粟米，紅蘿蔔，金菇，雪耳，食後整個人都暖起來。杞子燒賣我自己比較過，我覺得每一間健康工房的燒賣味道也是不一樣，其中以青衣城港鐵站那間健康工房的燒賣是最好吃的。這裏的不是太新鮮，味道也一般。店鋪的姐姐都幾好人，座位不多，坐得都舒服。

一個月前的一人前其實呢期大家都攰，加埋自己身體問題，仲攰，上個月虛脫咁，差在未篤住把遮行XD 所以... 煮乜鬼XD行返屋企，中途去aeon,就去“養下身”，食左呢個 “養元。珍菌煨麵”,都幾濃幾好味，我呢個菇人一向都又濕又毒XD佢個麵係係上海麵同烏冬中間，連埋個菇湯食都真係幾好味~ 麵都入到少少味既，但個湯好素湯，好菇，好好味~但我坐左一陣，發覺客人大多叫甜點同燒賣，坐坐下仲要聽到剩一，我碗麵都未到就售罄囉~ 下次好胃口尐就叫埋黎試啦～不過問邊款有咩分別定想店員推介就只係話個個人唔同，你鍾意食邊就叫啦，所以我最後叫左無肉個樣，唯有下次再試囉...

星期六晚同媽咪去食飯，因為我們都午餐太豐富而不肚餓，天氣又熱，所以打算去行AEON涼冷氣，看有沒有輕便的小食。結果餐廳與超市都好多人好長龍，媽咪便提議健康工房可能有位，又有細碗粉。於是費事再行再等位，一去有位，餐牌又🆗，於是坐底。店的主調是養生、健康。店內裝潢簡約，感覺乾淨舒適。牆上有木牌掛著一年不同節氣，例如大暑、小暑、大寒等。客人除了可坐下享用麵飯等食物，也可買樽裝飲品，還有雪了的湯、甜品等可帶回家或office 自己煮熱食。印製精美的餐牌有寫每種食品的養生效用，例如猴頭菇健脾養胃、安神，糯米補中益氣、斂汗。知道自己吃的有什麼效用，感覺更健康💪😊松茸珍菌三絲素煨麵 $60 👍😋推介松茸珍菌三絲素煨麵是全素的，我喜歡，餸是很多的，好足料，還有杯蕎麥茶，$60又不加一，真係好抵，隔離間日本咖啡和意粉waffle的三個英文字餐廳又要排長龍，又要加一，又貴，下午茶的意粉又細碟，都要$70幾，仲要加一，又少餸，比較之下，我就推介這家了。好多菇，有蟲草花、松茸、猴頭菇、香菇，料多。麵量也多，侍應好心告訴我們碗都幾大碗，好在佢話我地聽，因我地真係唔餓，叫兩碗真會太多。夾完一碗分出來，都仲有好大碗

閒時都會吃得清淡一點，素食一點最近就試了一間以素為主的健康食店餐廳很和風簡潔、素色系的裝潢感覺都很舒服😊🐶杞子燒賣挺喜歡這個燒賣，當中夾雜了少許蔬菜和杞子有少少藥膳的味道！加上了少許辣椒油拌食味道一流！🐶雜菌清湯粉仔湯底是清甜的雜菌味道用上不同菇類混合出來的味道的湯份外清甜可口，好喜歡湯底的味道，我把湯全都飲清光成碗粉仔很滋味！

睇完戲路過呢間健康工坊-五季甜悅（其實咪即係健康工坊），被佢門口個餐牌吸引住，桃膠西米露、紅棗雪耳桃膠......感覺好養顏，就決定坐低食返碗兩款都ok 好味，我不鐘意太甜，個西米露其實都唔算好甜，但唔夠清甜，或許加左椰汁都係好難清甜，所以我鍾意碗紅棗雪耳桃膠多啲堂食48蚊碗，外賣就$38，或者堂食份量多啲掛......食落都唔細碗既.....雪耳加桃膠加圓肉呢個配搭真係好好，每一啖都滑滑的，令人好有養顏感覺呢個桃膠系列，不錯不錯👍🏻

之前經過都想買泥飲下, 不過果時又好飽, 所以唯有話下次經過先買。呢間五季甜悅, 原來即係貴價版既健康工房。我開頭仲以為係由日本來香港開既舖, 因為當時見到D價錢都係貴。連裝修果D 都同日式店舖好相似。都幾用心既, 因為會見到好多養身既知識。首烏芝麻茶 HKD 30.00係貴左少少既, 不過味道吾差。濃度因為有5, 飲落口都好有芝麻糊既感覺。甜度都適中, 可能係著重養生的關係, 所以糖沒有下很多。香味也是很濃的芝麻香, 不錯。值吾值就真係見仁見智, 不過我就覺得偶爾飲下都OK既。

踏入秋季天氣開始乾燥，行行下太古城Aeon見到間五季甜悅，其實亦即係健康工房，裏面嘅食物好似大部份都係素食，而今次我和媽入去就叫咗兩個秋季養生甜品，一個係和肝血及清心火嘅椰汁桃膠雪蓮子西米露$48及一個潤肺滋潤嘅百合蓮子桃膠杏仁糊$48。兩個甜品都係叫熱嘅，亦都好快送到，兩個我都有食，我個人都係鍾意食百合蓮子桃膠杏仁糊多啲，因為唔會太甜，而且百合蓮子好好味又唔苦，桃膠質感煙韌，加埋杏仁糊真係唔錯嘅配搭，至於椰汁桃膠雪蓮子西米露，個人覺得略甜，西米露嘅西米略少咗啲，不過整體都係好味，好香嘅椰汁味。總括： 甜品唔錯，環境舒適，無加一，有機會一定會再去食。

去食糖水，職員送上枱面的時候倒瀉咗出來，弄濕了又無咁一D, 麻煩佢換碗新，佢去個開放式廚房，我睇見佢同廚房個阿姨抹一抹個盤，細聲講幾句，企一陣，同一碗糖水，無換過，再捧回來, 我問佢換左未，佢竟然話換左！

茹素，是我另一半的飲食人生。就算沒有同內子一起去飲食時，我都會間唔中光顧一下素食店及一些標榜以素食為主的素食 friendly 食店。近日常來太古城，我在康怡廣場內尋到吸引我的味道，有時候不想食太多時，有一間可以坐下食輕食的地方是最好不過，而在 AEON 百貨內，就有這一間叫《五季甜悅》的食事處，提供健康，以素為主的美味食品。 這是為於百貨公司一個角落內的開放式餐廳。場景就同在日本百貨公司 food hall 內的小型餐廳一模一樣。而且加上了一份素食店才有的氣質同寧靜，感覺帶點典雅。 十穀養生竹葉飯，是他們大力推廣的素食小點。一個熱辣辣的三角飯糰，味道咸香。飯糰的內心是香菇。當日，我把此東西當作午餐，份量上的確是不夠，但以小點輕食來評價，這是不錯的一個休閒食品。 我本以為這是一間純素食店，但看一看 menu，原來也有葷食出售。一個飯糰係唔夠飽的，我另點了一客燒賣。燒賣用上了杞子作頂層的點綴，燒賣也帶有少少蔬菜香同藥膳帶出的獨得味道。 第二日來到，我叫了他們的麵食。松茸珍菌三絲素煨麵是一個很出色的湯麵。入口時，不知為何，我感覺到有如食粉仔的感覺。湯底是雜菌交雜的味道，不同菇類混合出來的味