影片
更多
2024-11-14
595 浏览
约咗好耐冇见嘅中同re-u，见呢度做紧秋季promotion就去试吓😋一坐低太肚饿，就二话不说嗌咗个鸡皮饺子食住先，鸡皮炸到脆卜卜，入边包住啲鸡肉同椰菜，热辣辣几香口。跟住一齐嗌咗个二人餐，拣咗两款唔同嘅汤底share，第一款稳稳阵阵就拣咗个原鸡白汤，系好温和嘅鸡汤味同埋第一次食到咁多泡泡嘅拉面汤底，好似饮紧Cappuccino咁几得意。第二款汤拣咗柠檬牛油鸡白汤，喺原本个鸡汤底上面加咗几块柠檬同埋牛油，捞埋一齐浓得来又有少少清新嘅感觉，就算我平时唔系食得太重口味，但饮多几啖汤都冇问题。尤其是呢排天气开始凉凉哋，饮返啖暖笠笠嘅汤就啱晒。跟餐有两款小食，炸鸡味道都正正常常，炸得都几脆得嚟啲肉又唔会好干；个鸡叉烧伴青瓜加咗啲甜甜地嘅芝麻酱捞埋，食完晒咁多样浓味野之后，慢慢夹嚟咬吓，消下济都几正。最后个甜品系自家制抹茶生朱古力，朱古力味好香又唔会话好死甜，本蚂蚁人表示approved 😌🙏🏻
一坐低太肚饿，就二话不说嗌咗个鸡皮饺子食住先，鸡皮炸到脆卜卜，入边包住啲鸡肉同椰菜，热辣辣几香口。
跟住一齐嗌咗个二人餐，拣咗两款唔同嘅汤底share，第一款稳稳阵阵就拣咗个原鸡白汤，系好温和嘅鸡汤味同埋第一次食到咁多泡泡嘅拉面汤底，好似饮紧Cappuccino咁几得意。
第二款汤拣咗柠檬牛油鸡白汤，喺原本个鸡汤底上面加咗几块柠檬同埋牛油，捞埋一齐浓得来又有少少清新嘅感觉，就算我平时唔系食得太重口味，但饮多几啖汤都冇问题。尤其是呢排天气开始凉凉哋，饮返啖暖笠笠嘅汤就啱晒。
跟餐有两款小食，炸鸡味道都正正常常，炸得都几脆得嚟啲肉又唔会好干；个鸡叉烧伴青瓜加咗啲甜甜地嘅芝麻酱捞埋，食完晒咁多样浓味野之后，慢慢夹嚟咬吓，消下济都几正。
最后个甜品系自家制抹茶生朱古力，朱古力味好香又唔会话好死甜，本蚂蚁人表示approved 😌🙏🏻
张贴
