影片
更多
2024-11-22
194 浏览
天气转凉又系最适合打边炉嘅时候，经过「牛気」见到火锅之余仲有「和洋祭」，一于黎滚一滚。放题有6个level可以选择，丰俭由人，最后我地拣咗level 4，有澳洲谷饲黑安格斯牛及SRF美国极黑牛，仲有好多款海鲜，加十蚊可以有鸳鸯汤底，啱晒同太太一人一口味，最后拣咗黑蒜豚骨汤及蕃茄浓汤。汤底未到之前，先出去熟食区睇下呢个「和洋祭」，有好多嘢食，当中最吸引一定系关东煮，有鱼糕、萝卜、冬菇等等，汤汁清甜，每样都好入味；另外日式蟹棒冷豆腐好香滑，加上蟹棒及木鱼丝，食落好清新。返到位汤底同肉已经到齐喇，第一round梗系每款肉都试下。个人最喜欢美国极黑牛，牛味好浓郁；澳洲谷饲黑安格斯牛肉质较柔软，切得唔会太厚，渌十几秒就食得；而牛小排及肉眼食落都唔错。海鲜有大虾、水鱿鱼及帆立贝等等，当中大虾新鲜爽口，帆立贝亦好鲜甜，另外特别推荐极上虾滑，好多虾肉够晒弹牙，啱晒懒得剥壳嘅我地。另外仲有三文鱼刺身，厚切鲜甜，忍唔住encore咗几次。出面自助区亦有多款丸、菇及菜，仲有牛気自家制麻吉烧，渌完后味道外咸内甜，烟烟韧韧口感好过瘾。饮品都有好多种类，有糖无糖嘅都有，亦有咖啡及茶。最后梗系要食埋甜品，除咗自助雪
放题有6个level可以选择，丰俭由人，最后我地拣咗level 4，有澳洲谷饲黑安格斯牛及SRF美国极黑牛，仲有好多款海鲜，加十蚊可以有鸳鸯汤底，啱晒同太太一人一口味，最后拣咗黑蒜豚骨汤及蕃茄浓汤。
汤底未到之前，先出去熟食区睇下呢个「和洋祭」，有好多嘢食，当中最吸引一定系关东煮，有鱼糕、萝卜、冬菇等等，汤汁清甜，每样都好入味；另外日式蟹棒冷豆腐好香滑，加上蟹棒及木鱼丝，食落好清新。
返到位汤底同肉已经到齐喇，第一round梗系每款肉都试下。个人最喜欢美国极黑牛，牛味好浓郁；澳洲谷饲黑安格斯牛肉质较柔软，切得唔会太厚，渌十几秒就食得；而牛小排及肉眼食落都唔错。
海鲜有大虾、水鱿鱼及帆立贝等等，当中大虾新鲜爽口，帆立贝亦好鲜甜，另外特别推荐极上虾滑，好多虾肉够晒弹牙，啱晒懒得剥壳嘅我地。
另外仲有三文鱼刺身，厚切鲜甜，忍唔住encore咗几次。
出面自助区亦有多款丸、菇及菜，仲有牛気自家制麻吉烧，渌完后味道外咸内甜，烟烟韧韧口感好过瘾。
饮品都有好多种类，有糖无糖嘅都有，亦有咖啡及茶。
最后梗系要食埋甜品，除咗自助雪糕外，亦有中式糖水及豆腐花，仲可以自制棉花糖，亦叫咗杨枝金露，细细樽包装得好可爱。
埋单仲送一把遮，又食又拎真开心。
张贴
