影片
更多
2021-11-27
353 浏览
秋高气爽又系食蟹嘅好日子 海云天-秋风起，同朋友一齐约饭局就有人提议想食大闸蟹，坊间食大闸蟹既餐厅花多眼乱，今次就系网上平台拣左个大闸蟹套餐试一试($468另再收加一茶位，大概550/1)，胜在好多样菜式可以试。.海云天系红磡九龙海逸君绰酒店入面，中菜厅环境气派一流，如果坐窗边仲可以望住海景添，侍应亦都几好礼貌，加茶都快手，唯一系尾段上菜速度太赶，食完大闸蟹之就一次上哂其他菜比我地，有少少赶收工咁，要扣少少分。-1.生拆蟹粉伴蒜蓉包3.5/5前菜都几先声夺人，一窝金黄色嘅蟹粉非常吸睛，而且仲好贴心咁用小蜡烛保持热度，可惜蟹粉鲜味唔够突出，但配住蒜蓉包入口仍系唔错嘅前菜。2.功夫蟹肉羹3.5/5蟹肉羹都几足料，落枱时侍应提醒要趁热食，入口发觉稍为清淡，要加返少少醋调和先突出返汤羹鲜味，亦都颇为暖胃。3.双色蟹粉小蟹包3.75/5蟹粉小笼包系本人非常钟意食嘅食物之一，一只靓嘅小笼包入口应该系鲜肉汤汁加埋蟹粉嘅鲜味令到小笼包味道提升多一个层次，可惜依到既蟹粉只算系合格，味道唔够突出，但都算几好食。4.清水大闸蟹3.75/5今餐蟹宴嘅主角当然系大闸蟹啦，侍应提醒蟹分两次落单，包保即叫即蒸，保
-
秋风起，同朋友一齐约饭局就有人提议想食大闸蟹，坊间食大闸蟹既餐厅花多眼乱，今次就系网上平台拣左个大闸蟹套餐试一试($468另再收加一茶位，大概550/1)，胜在好多样菜式可以试。
.
海云天系红磡九龙海逸君绰酒店入面，中菜厅环境气派一流，如果坐窗边仲可以望住海景添，侍应亦都几好礼貌，加茶都快手，唯一系尾段上菜速度太赶，食完大闸蟹之就一次上哂其他菜比我地，有少少赶收工咁，要扣少少分。
-
1.生拆蟹粉伴蒜蓉包
3.5/5
前菜都几先声夺人，一窝金黄色嘅蟹粉非常吸睛，而且仲好贴心咁用小蜡烛保持热度，可惜蟹粉鲜味唔够突出，但配住蒜蓉包入口仍系唔错嘅前菜。
2.功夫蟹肉羹
3.5/5
蟹肉羹都几足料，落枱时侍应提醒要趁热食，入口发觉稍为清淡，要加返少少醋调和先突出返汤羹鲜味，亦都颇为暖胃。
3.双色蟹粉小蟹包
3.75/5
蟹粉小笼包系本人非常钟意食嘅食物之一，一只靓嘅小笼包入口应该系鲜肉汤汁加埋蟹粉嘅鲜味令到小笼包味道提升多一个层次，可惜依到既蟹粉只算系合格，味道唔够突出，但都算几好食。
4.清水大闸蟹
3.75/5
今餐蟹宴嘅主角当然系大闸蟹啦，侍应提醒蟹分两次落单，包保即叫即蒸，保持热度，依点要赞，所以两次上台嘅大闸蟹都系热辣辣嘅，大闸蟹主要就系食鲜甜蟹膏，同享受由拆蟹到将蟹肉放入口嘅过程，整体都大致满意。
5.椒盐小黄鱼&花雕醉翁鸽(半只)
3.75/5
大闸蟹之后就差不多系同时间上哂其他所有菜式，椒盐小黄鱼虽然奇貌不扬咁，但炸得非常香脆，好有惊喜;而半只醉鸽亦都有花雕味，但得半只同埋略嫌少肉，食得唔够尽兴。
6.古法蟹粉芙蓉捞面
2.8/5
蟹粉捞面可以话系经过之前菜式嘅洗礼之后比较失色既一样，只系将伊面煮熟然后淋上蟹粉羹，可惜入口淡而无味，比较失望。
7.姜茶汤丸
3/5
最后食完寒凉嘅大闸蟹当然唔少得食返碗姜茶汤底驱下寒，不过姜汤实在太重手，非常之辣，食完汤圆要即刻饮水解辣。
-
总结:成个套餐多少有d高低起伏位可以理解，始终大闸蟹先系主菜，其他菜式算系锦上添花啦，睇返价钱嘅话都算有一定性价比，而且餐厅环境唔错，算系可以一试之选。
19 浏览
0 赞好
0 留言
15 浏览
0 赞好
0 留言
7 浏览
0 赞好
0 留言
11 浏览
0 赞好
0 留言
13 浏览
0 赞好
0 留言
张贴
