影片
更多
2024-02-22
252 浏览
传统老食店买少见少，确实要珍惜一下。今次特登相约屋企人嚟食情怀又食味道，有85年历史嘅「龙华酒店」，旧时真系有套房出租，所以称之为酒店。50年代明星、名人都系常客。我哋一行四人经过挂满红灯笼嘅长走廊，好似进入咗时光隧道，恍如穿越返去50年代嘅感觉。酒店装修依然保留怀旧格调，墙上挂满昔日嘅旧相，充满情怀，唔少电影都喺呢度取景。酒店分两个厨房，有户外用餐位置，仲养有鹦鹉同孔雀，店员亲切好倾，我哋就叫咗必食嘅龙华三宝：乳鸽、鸡粥、山水豆腐花。✥ 龙华脆皮烧乳鸽 $98系龙华嘅皇牌菜式，每位食客嚟到都应该会试。自设养鸽场，拣选唔超过26日大嘅嫩鸽。一开四件都好大只，系先卤水后炸，香喷喷，表面泛油光，入口皮脆肉嫩，肉厚入味有肉汁，滋味到要落手食，跟传统一样拼虾片。太好味关系，决定外卖一只返屋企，店员教我想食炸乳鸽，就应该要买卤水，原只放气炸锅170度，面同底分别气炸七分钟，果然无失望。✥ 薪火相传卤水乳鸽 $98乳鸽都有五款烹调方法，我哋就决定试埋卤水，卤水汁香浓，食到由多款香料秘制，卤煮得够入味，皮紧致肉嫩多汁。✥ 驰名沙田滑鸡粥 (2-3位) $98份量好够食，每人都有两碗，粥底好绵够味，食
我哋一行四人经过挂满红灯笼嘅长走廊，好似进入咗时光隧道，恍如穿越返去50年代嘅感觉。酒店装修依然保留怀旧格调，墙上挂满昔日嘅旧相，充满情怀，唔少电影都喺呢度取景。酒店分两个厨房，有户外用餐位置，仲养有鹦鹉同孔雀，店员亲切好倾，我哋就叫咗必食嘅龙华三宝：乳鸽、鸡粥、山水豆腐花。
龙华脆皮烧乳鸽
41 浏览
0 赞好
0 留言
✥ 龙华脆皮烧乳鸽 $98系龙华嘅皇牌菜式，每位食客嚟到都应该会试。自设养鸽场，拣选唔超过26日大嘅嫩鸽。一开四件都好大只，系先卤水后炸，香喷喷，表面泛油光，入口皮脆肉嫩，肉厚入味有肉汁，滋味到要落手食，跟传统一样拼虾片。太好味关系，决定外卖一只返屋企，店员教我想食炸乳鸽，就应该要买卤水，原只放气炸锅170度，面同底分别气炸七分钟，果然无失望。
薪火相传卤水乳鸽
42 浏览
0 赞好
0 留言
✥ 薪火相传卤水乳鸽 $98乳鸽都有五款烹调方法，我哋就决定试埋卤水，卤水汁香浓，食到由多款香料秘制，卤煮得够入味，皮紧致肉嫩多汁。
驰名沙田滑鸡粥
145 浏览
0 赞好
0 留言
份量好够食，每人都有两碗，粥底好绵够味，食到鸡嘅鲜味，鸡件份量十足，好耐无试过食粥配搭油炸鬼同生菜丝，回忆返晒嚟。
龙华煎酿手造豆腐
32 浏览
0 赞好
0 留言
系传统菜式，由老板娘钟太亲手教当年大厨何伯。手造豆腐嘅豆味特别香浓，金黄表层结实，里面滑嫩，咬一啖，肉同豆腐喺口里融合，酱汁刚好渗到当中，酱汁味浓又唔会好咸，伴有小棠菜。
乡村风味炸大肠
192 浏览
1 赞好
0 留言
✥ 乡村风味炸大肠 $128酒店皇牌推介菜式，一片片长方形嘅切法，炸得酥脆香口，夹杂油香，唔会炸到干晒，无多余肥膏黐住，有炸米粉垫底，蘸埋糖醋汁，食到传统炸大肠嘅味道。
特色干炒牛河
29 浏览
0 赞好
0 留言
✥ 特色干炒牛河 $138酒店推介系李小龙最爱嘅菜式，够镬气热辣辣，牛肉大片，配料多，钟意韭黄同芽菜够多又爽口，面放蛋丝。河粉炒得条条分明，唔会黐埋一堆，酱油兜得匀，全碟上晒色，唔肥腻，食到最尾碟底都唔会有多余嘅油凝住。
原味手造豆腐花
19 浏览
0 赞好
0 留言
✥ 原味手造豆腐花 (2-4位) $68豆味浓郁，钟意佢嘅质感滑得嚟比较实在，食到手造嘅感觉，配桂花糖水特别清甜，口味更加芳香。
#龙华酒店地址：沙田下禾𪨶22号地舖
张贴
