川粵時光 (已結業)

妈妈钟意食川菜，临近年尾出bonus, 决定请妈妈食餐好既！上网揾到呢间餐厅个名几特别，感觉上系几年轻几fresh既川菜 就带妈妈专登出到黎铜锣湾，希望可以穿越时光食川菜餐厅既装修好靓，好光猛，天花上既水晶灯十分抢眼我地嗌左3样前菜冷盘，1个主菜同1个小食首先上既就系酸辣鱼皮，冇改错名，真系又酸又辣，辣度十足既一味菜，虽然妈妈钟意食辣，不过都要嗌返杯冻饮去解一解辣嗌左橙汁同埋白桃花茶白桃花茶外貌几靓，都岩打卡。凉拌海蜇云耳，麻油味十分浓郁中和返刚才食鱼皮既劲辣 海蜇爽口蒜泥拍青瓜，蒜泥味十分特出，不错我地食完3个冷盘后，等多一段时间就轮到黄金椰菜花上菜好多蛋皇碎，炒得几入味。最后既主菜 - 酸菜鲈鱼份量好大，2个人完全够食，鲈鱼好滑，酸菜汤底亦几重胡椒味，几惹味另外有寛粉伴碟，烟烟韧韧好食最后既最后，当然仲有糖水先令到呢一晚更完满啦我地嗌左红糖冰粉，冰粉口感似白凉粉有西瓜，芝麻，nuts 捞埋一齐，口感几特别我同妈妈彷佛穿越左时光，呢餐饭感觉过得非常快，但其实我地边倾计边食饭连埋上菜时间，系闲日既晚上都逗留左差唔多个半钟真系欢乐既时光过得特别快呀！