影片
更多
2021-10-04
31 浏览
近排经常嚟登龙街揾食，继早前到访了永光中心地下𠮶间新开嘅冰室后，这晚又再次出动，而今次嘅目标就系 V Point 28 楼嘅「川粤时光」。其实 bookmark 咗呢间川粤菜馆好耐，餐厅嘅景观真系好正，不但坐拥维港全海景，而且仲可以远眺对岸尖沙咀万家灯火的繁华景象，环境优雅舒适。难得今晚有人自动请缨，话要负责点菜，我当然乐得清闲。先嚟几款前菜， 平时出街食饭好少会食到呢种酸辣鱼皮，估唔到咁爽脆，入口凉浸浸，爽中带滑，滑中带香，滋味难忘。蒜泥拍青瓜味道亦唔错，清新爽甜，口感好 fresh，用来做凉拌菜就最适合不过，十分开胃。另外呢客青椒皮蛋亦挺得人欢心，青椒鲜嫩翠绿，入口辣劲十足；皮蛋晶莹剔透，加上半凝固的溏心蛋黄，非常美味。接著上桌的黄金南瓜，亦好值得推介，色泽鲜艳，很讨喜，加上每一件都沾满了浓郁起沙嘅咸蛋黄，入口咸香惹味。主菜点咗客水煮滑牛肉，牛肉非常新鲜，肉质嫩滑带嚼劲。至于汤底则加入了辣椒、花椒、八角及姜葱等熬煮而成，入口极之香辣惹味，除了牛肉外，其实锅内还有宽粉、猪红、芽菜等，全部吸尽了汤汁的精华，辣得相当过瘾！饮品点咗蜂蜜柠檬柚子蜜 同 可乐，柚子蜜甜度啱啱好，清润解腻，入口
近排经常嚟登龙街揾食，继早前到访了永光中心地下𠮶间新开嘅冰室后，这晚又再次出动，而今次嘅目标就系 V Point 28 楼嘅「川粤时光」。
其实 bookmark 咗呢间川粤菜馆好耐，餐厅嘅景观真系好正，不但坐拥维港全海景，而且仲可以远眺对岸尖沙咀万家灯火的繁华景象，环境优雅舒适。
难得今晚有人自动请缨，话要负责点菜，我当然乐得清闲。
先嚟几款前菜， 平时出街食饭好少会食到呢种酸辣鱼皮，估唔到咁爽脆，入口凉浸浸，爽中带滑，滑中带香，滋味难忘。
蒜泥拍青瓜味道亦唔错，清新爽甜，口感好 fresh，用来做凉拌菜就最适合不过，十分开胃。
另外呢客青椒皮蛋亦挺得人欢心，青椒鲜嫩翠绿，入口辣劲十足；皮蛋晶莹剔透，加上半凝固的溏心蛋黄，非常美味。
接著上桌的黄金南瓜，亦好值得推介，色泽鲜艳，很讨喜，加上每一件都沾满了浓郁起沙嘅咸蛋黄，入口咸香惹味。
主菜点咗客水煮滑牛肉，牛肉非常新鲜，肉质嫩滑带嚼劲。至于汤底则加入了辣椒、花椒、八角及姜葱等熬煮而成，入口极之香辣惹味，除了牛肉外，其实锅内还有宽粉、猪红、芽菜等，全部吸尽了汤汁的精华，辣得相当过瘾！
饮品点咗蜂蜜柠檬柚子蜜 同 可乐，柚子蜜甜度啱啱好，清润解腻，入口透心凉。
最后食埋个甜品红糖冰粉先走，冰粉其实系中草药，口感似凉粉，加上红糖，白芝麻、西瓜和花生粒，清凉解辣，滋味极佳。
张贴
