喬妃齋 (已結業)

突然想食素食，所以就嚟咗尖沙咀呢一间乔妃斋试吓。听讲呢一间都几出名，好似话系名人开嘅。乔妃斋嘅价钱都几均真，我同朋友夜晚来食每人都唔使＄100就可以买单。我哋叫咗两个饭，一个系乔妃斋炒饭，一个系辣麻婆豆腐饭。因为我朋友系纯素食者嘅关系，所以过乔妃斋炒饭佢都会走蛋，炒饭份量好多，闻落都几香，味道唔错。佢有啲粟米粒同西芹粒，所以食落都好有口感。另外我𠮶个系麻婆豆腐，麻油味道好重，好香浓，里面有豆腐，菇，有好似菜谱嘅配菜等等，食落去好滋味，捞饭一流！整体来讲，环境唔错，难得试吓素食，呢一间都系推介。