Chiller (已結業)

一日系土瓜湾街头嘅转角位，见到呢间本地烧烤店，好好奇，所以就谂住揾日去试。今次星期日晚市时间去到，发现餐厅竟然只有一枱可以坐，又好好采咁岩俾我坐到。 老板话生意差系咁，唯有做下外卖生意，外卖串烧又点够新鲜好食呢，所以梗系要坐底慢慢试。海鲜、烧肉、蔬菜都试左，系度就净系Highlight几样。「珍宝纽西兰肉眼扒」好大块，店员都会问你要几成熟，我地嗌左5成熟。嚟到会切好俾你，食落好够肉汁。「蒜蓉烧蚝」嘅蒜蓉似系自家制，好香浓，但稍嫌盖过蚝本身嘅味。蔬菜类嘅串烧都好足料，串到满一满，孜然茄子更系大份夹抵食，必食之选。