窩子

营业中

休息中

系新蒲岗开咗接近10年嘅窝子，我居然今年先去到朝圣。店内有不少复古的装饰，带点港式冰室的设计风格，用上湖水绿的墙，黑白色的阶砖，有七、八十年代的冰室和家居感觉。食物最出名都系窝夫，除咗有甜品之外，佢哋仲有咸嘅窝夫三文治。叫咗佢哋嘅招牌慢煮手撕猪腩窝夫三文治。你都估唔到份量都几多。窝夫够晒厚而且非常之松脆，但系里便就好松软，用刀一切就开。上边嘅寿司猪腩肉调味都几好味，少少咸香，带咗一丝嘅酸味平衡油腻感。而且加埋蕃茄同埋生菜，唔会干噌噌。面头有火烧过嘅芝士，主要系固定寿司猪腩喺窝夫面。基本就系一个窝夫，所以都好够饱。另外饮品我就叫咗黑糖焙茶牛奶。估唔到焙茶牛奶原来衬黑糖咁夹。焙茶香渗出之后黑糖味就会留喺口腔入边，非常出色。最后叫多个甜品作结，呢抹茶士多啤梨法式千层酥，两块口口松脆嘅酥皮夹住抹茶吉士忌廉，再衬上新鲜士多啤梨同埋士多啤梨雪糕。虽然睇落好大份，但系实质又唔会好饱。其实仲见到佢有个酥皮薄饼，但系一个人真系食唔晒，留返下次再嚟过。