影片
更多
2024-03-06
1279 浏览
都好一段时间无入嚟新蒲岗食嘢，依家我哋搭屯马线过嚟真喺超方便，启德站直入商场Airside，再穿两条天桥就过到嚟新蒲岗。今晚嚟到「窝子」，纯粹带老婆试吓佢哋嘅「三重朱古力麻糬窝夫」，呢次喺以目标为本。店内地方唔喺好大，不过，装修好有个性，好似啲枱櫈，张张都唔同，不拘一格，而且，又加入咗好多怀旧元素，整体感觉又好似乱中有序，都几得意。厨房采用开放式，可以睇到店员做菜，以及咖啡师冲调咖啡。餐牌第一页有对餐厅介绍，原来餐厅2015年成立，至今都已经9年，经历过疫情挨得过嘅自然有一定嘅实力。至于食物嘅选择，都真喺唔少，即使细细间咖啡店，其实菜式都非常之有特色，无论意大利面、主菜、酥皮薄饼，抑或甜品，都好有创意同心思，所以，今晚我哋都试到好多特色嘢。香煎牛油带子配自家制椰子鸡汤意大利饭 $152我成日讲，意大利饭就最能考到师傅嘅手艺，因为煮意大利饭，讲难唔难，话易唔易，但煮得够精就唔简单。眼前呢一碟意大利饭真喺有水准，首先啲饭粒煮得有咬口，却唔会有种生米嘅感觉，而且，够湿润，加上渗出阵阵清香嘅椰子香味，唔知喺咪加咗啲金不换，有种香气非常特别。再者，比一般常食到嘅意大利饭，无咁重忌廉，以及混入好多
店内地方唔喺好大，不过，装修好有个性，好似啲枱櫈，张张都唔同，不拘一格，而且，又加入咗好多怀旧元素，整体感觉又好似乱中有序，都几得意。
厨房采用开放式，可以睇到店员做菜，以及咖啡师冲调咖啡。
餐牌第一页有对餐厅介绍，原来餐厅2015年成立，至今都已经9年，经历过疫情挨得过嘅自然有一定嘅实力。
至于食物嘅选择，都真喺唔少，即使细细间咖啡店，其实菜式都非常之有特色，无论意大利面、主菜、酥皮薄饼，抑或甜品，都好有创意同心思，所以，今晚我哋都试到好多特色嘢。
香煎牛油带子配自家制椰子鸡汤意大利饭 $152我成日讲，意大利饭就最能考到师傅嘅手艺，因为煮意大利饭，讲难唔难，话易唔易，但煮得够精就唔简单。眼前呢一碟意大利饭真喺有水准，首先啲饭粒煮得有咬口，却唔会有种生米嘅感觉，而且，够湿润，加上渗出阵阵清香嘅椰子香味，唔知喺咪加咗啲金不换，有种香气非常特别。再者，比一般常食到嘅意大利饭，无咁重忌廉，以及混入好多菠菜，呢点就更合老婆嘅喜好。至于啲带子，煎得香口，口感柔嫩，又富鲜味，真喺无咩挑剔位。
香煎牛油带子配自家制椰子鸡汤意大利饭
$152
16 浏览
0 赞好
0 留言
慢煮牛面颊肉配扁意粉 $172犹豫紧主菜拣咩嘅时候，同老婆倾倾下先知原来佢完全未食过牛面颊肉，所以，就拣咗呢一道主菜俾佢试试。虽然，卖相无咩特别，但一切精髓在于内涵之中，首先喺啲牛面颊肉经过慢煮，入口真喺超松化，一咬即开，而且，甚富肉香，个汁底又香浓，少食肉嘅佢都大赞好正；啲扁意粉都无马虎hea做，够咬口，加咗大量蒜蓉，再炒香过，唔喺就咁白烚上枱就算，细节做足就宁舍滋味。
慢煮牛面颊肉配扁意粉
$172
90 浏览
0 赞好
0 留言
三重朱古力配朱古力雪糕麻糬窝夫 $82 嚟到甜品一环，其实，都几难选择，梳乎厘松饼、窝夫、法式千层酥……等等，样样都想试，不过，知道老婆喺朱古力控，就一早预定喺试呢款三重朱古力嘅麻薯窝夫。其实睇落都唔止三重，可以讲有五重：朱古力味麻薯窝夫、朱古力脆片、迷你朱古力蛋卷、朱古力雪糕，以及朱古力酱。麻薯窝夫都喺第一次食，都几有惊喜，咬落先喺一阵阵脆口，食落就有QQ嘅口感，而因为有多种朱古力食材衬托，所以非常之香浓好味，加上多款食材嘅混合令到口感多变。
三重朱古力配朱古力雪糕麻糬窝夫
$82
8 浏览
0 赞好
0 留言
鲜奶咖啡 $42食甜品点都要揾杯咖啡嚟衬吓，有睇过小弟嘅食评都知，去亲咖啡店，嗌鲜奶咖啡喺必然之选。眼前呢杯鲜奶咖啡，小弟就好满意喇，虽然个拉花唔喺好花巧，但喺拉得平滑，线纹细致且对称，而咖啡味道醇和，有果仁香气，完全无搅过，饮落每一口都好均匀，口感有种厚身感，冲泡手势一流。
老婆就赞今晚啲嘢好食，又有亮点，我都有同感，加上今晚客人唔算多，所以，可以宁静咁享受呢餐饭。
张贴
