立鮨 (金馬倫廣場)

营业中

休息中

每次经过都好想试呢间立食寿司，但每一次见到条人龙都会放弃。今晚九点几经过，可能已经过晒食晚饭嘅时段，难得唔洗等位就入咗去食噜。一望到menu确实比个价钱吓亲，原来比我想像中平。佢杯绿茶更加系我系香港日本餐厅饮过最出色嘅，拍得住日本宇治嘅水准，忍唔住不停自斟自饮。见到好多人推介大满足海胆特盛，所以平时好少叫饭嘅我地都order咗一客。真系无介绍错，细细碗仔舖满海胆，佢嘅饭粒都有调过味，一啖饭再配以一啖海胆夹住黎食，真系无得输！两个人share啱啱好，仲有quota可以试其他野。另外要推荐嘅就仲有佢既三文鱼腩寿司，啖啖鱼香够晒肥美，什么胆固醇都唔好谂喇，食完先算啦！其他寿司都唔错架，鳗鱼唔腥烧得几香，玉子就普通啦，唔算太有惊喜。整体上都算高质，唯一觉得可以再好啲就系紫菜太淋。不过我一定会再encore架，始终咁夜先食饭就唔敢order太多噜，希望下次再去可以叫多几款黎试啦！