影片
更多
2022-09-26
274 浏览
以前深圳游嘅时候食过渌鼎记，记得佢嘅酸菜鱼都唔错。依家香港都有得食了，不过形式有少少分别，变左系火锅放题。晚市有三个套餐选择：小宝套餐、堂主套餐、爵爷套餐。堂主比小宝多咗三样海鲜（蚝、虾、蚬），其实冇必要加。但爵爷套餐就有明显upgrade，包括一份主菜（6拣1）、时令刺身、安格斯顶级牛小排、豪华海鲜拼盘，同埋最最最重要嘅就系冇限时 ！！其实爵爷套餐都系多$100 左右，加多咁多野仲要系无限时，果段叫左啲个套餐！$368（假期+$10）锦绣前菜（一次性）👍🏻👍🏻👍🏻开餐之前先黎四小碟。花生好食，炸鸡都okay，凉拌云耳唔够冻，仲有碟猪肚就一般般。因为要留番个肚所以都系食少少就算了😅老坛酸菜鲈鱼 👍🏻👍🏻👍🏻👍🏻👍🏻主菜可以6拣1，作为酸菜鱼控我哋当然拣酸菜鱼啦。初初以为系食完之后就用返个煲嚟打边炉，但原来佢系独立一味菜，有啲惊喜，睇番menu原来单点都要$198，依家放题包埋就顿时觉得抵左🤣鲈鱼白白滑滑好好肉，够晒新鲜而且好有鱼味，份量亦都足够。至于酸菜就比较逊色，比起其他店嘅老坛酸菜鱼，渌鼎记嘅酸菜只系得个酸味冇乜层次。个汤底酸酸辣辣唔错，配菜仲有宽粉、莴笋、莲藕片、花生芽。整体我都
晚市有三个套餐选择：小宝套餐、堂主套餐、爵爷套餐。堂主比小宝多咗三样海鲜（蚝、虾、蚬），其实冇必要加。但爵爷套餐就有明显upgrade，包括一份主菜（6拣1）、时令刺身、安格斯顶级牛小排、豪华海鲜拼盘，同埋最最最重要嘅就系冇限时 ！！其实爵爷套餐都系多$100 左右，加多咁多野仲要系无限时，果段叫左啲个套餐！$368（假期+$10）
锦绣前菜（一次性）👍🏻👍🏻👍🏻开餐之前先黎四小碟。花生好食，炸鸡都okay，凉拌云耳唔够冻，仲有碟猪肚就一般般。因为要留番个肚所以都系食少少就算了😅
锦绣前菜
15 浏览
0 赞好
0 留言
主菜可以6拣1，作为酸菜鱼控我哋当然拣酸菜鱼啦。初初以为系食完之后就用返个煲嚟打边炉，但原来佢系独立一味菜，有啲惊喜，睇番menu原来单点都要$198，依家放题包埋就顿时觉得抵左🤣
鲈鱼白白滑滑好好肉，够晒新鲜而且好有鱼味，份量亦都足够。至于酸菜就比较逊色，比起其他店嘅老坛酸菜鱼，渌鼎记嘅酸菜只系得个酸味冇乜层次。个汤底酸酸辣辣唔错，配菜仲有宽粉、莴笋、莲藕片、花生芽。整体我都会推荐，因为个鲈鱼啖啖肉真系好好味🤤
老坛酸菜鲈鱼
11 浏览
0 赞好
0 留言
老坛酸菜鲈鱼
13 浏览
0 赞好
0 留言
刺身有四款：三文鱼、牡丹虾、鲍鱼、带子。全部都系劲大只同好新鲜，有质素并唔系平时日式放题任食𠮶啲级数，属于回本位（每人每样一只）
日本直送时令刺身
13 浏览
0 赞好
0 留言
汤底六拣一，我哋拣左鸭血麻辣锅，贪佢旧心心牛油可以打卡😂 不过味道其实好普通，麻辣火锅黎讲唔合格，唔推荐。
鸭血麻辣锅
13 浏览
0 赞好
0 留言
鸭血麻辣锅
13 浏览
0 赞好
0 留言
海鲜好丰富，有蛏子、鲍鱼、海虾、扇贝、蚬、虾滑同墨鱼滑、墨鱼仔（每人每样一只）。新鲜之余卖相又吸引，又系回本位。
豪华海鲜拼盘
6 浏览
0 赞好
0 留言
好有卖相，净系睇个样就知好食，啲雪花非常均匀（可能因为我哋早到，之后见其他食客系冇咁靓嘅）。份量都唔少，每人大概都有10块，其实都好足够。千祈唔好渌得太熟，大概渌10秒就食得，入口即溶而且牛味浓郁，绝对系上等货。 然后仲有胸口油牛丸（每人一粒），唔知乜嘢系胸口油，但系粒牛丸好弹牙，而且有好浓郁牛味，系好食嘅。
安格斯顶级牛小排
4 浏览
0 赞好
0 留言
胸口油牛丸
5 浏览
0 赞好
0 留言
用qr code落单，款式唔多，但整体质素都okay，尤其啲牛肉真系几好食，唔系俾啲下价货。推介嘅有以下几款：
安格斯极佳级精修肥牛
安格斯封门柳
伊比利黑毛猪
广岛蚝
潮汕虾丸
其实出面自助区仲有好多嘢食，一般火锅嘅材料佢都有齐，不过空间有限真系食唔落😅。可以试吓佢啲水饺同云吞，睇个样系自家制，几好食的。
饮品方面都一样有好多选择，我哋怕甜所以只饮佢哋自家嘅茉莉绿茶，好有茶味够冻非常解渴。
茉莉绿茶
11 浏览
0 赞好
0 留言
总括而言，$368可以无限时火锅放题，又有酸菜鱼食又有鱼生又有海鲜拼盘，环境舒适服务又好，啲个价钱真系抵到烂，下次想打边炉都一定黎啲间了😎
食物：❇️❇️❇️❇️环境：❇️❇️❇️❇️
服务：❇️❇️❇️❇️
价钱：❇️❇️❇️❇️❇️
翻兜指数：❇️❇️❇️❇️❇️
张贴
