茶記研究所

营业中

休息中

今次去到油塘嘅茶记研究所，听讲呢度唔系普通嘅茶记，有童年回忆嘅茶记美食，亦都有新式嘅餐点给大家选择，而且新式装修，一于试下佢！首先食咗佢个大满足杂扒铁板餐先，佢有牛扒鸡扒同猪扒都有肠仔，我就配咗个经典黑椒汁！牛扒有惊喜牛味，大大块好Juicy！猪扒亦都好好食，够新鲜配上黑椒汁好惹味。最后鸡扒外皮香脆，煎得啱啱好鸡肉好嫩！薯条就不过不失，钟意食茄汁嘅朋友可以问侍应俾你❤️另外食咗佢个美国安格斯肥牛喇沙掺掺！嚟到试咗佢个汤头先，唔算浓味但都OK好味，椰汁味可以再重啲，但唔会话会食到好腻，系好食嘅喇沙。掺掺佢系油面同米粉mix食落好特别粗中有细嘅感觉，yummy，仲有安格斯肥牛都有好好多铺满成碗，配菜仲有芽菜豆卜。饮品方面就叫咗经典嘅椰汁红豆冰同埋黑牛。黑牛都算系童年回忆啦，可乐配上朱古力雪糕，啲回忆返晒嚟啊！佢嘅椰汁红豆冰超级值得推荐，椰汁味好重好浓，唔同平时嘅红豆冰得奶味。 得闲食吓茶记嘅嘢食真系特别有味道！