甜魔魔 (已結業)

去咗呢间甜魔魔,等咗阵就入得.入面啲位都几迫,甚至连行路都唔系太畅顺.呢度系以新派甜品为主,窝夫,心太软,绵绵冰,乳酪,中式糖水等都有,可谓集百家之大成.好似冇乜较吸引或较有特色嘅,我见隔离台嘅小朋友叫咗香蕉船好似几得意,于是就拣咗佢.船身系一整条开边香蕉,中间夹著三球分别系曲奇味,朱古力味同芒果味嘅雪糕,上面就用士多啤梨点缀,再不规则咁洒上迷你棉花糖,迷你M&M朱古力豆,蜜糖星星饼,仲插咗两条百力滋做帆.卖相令人重拾童心,都真系几开心嘅.因为所有材料都唔洗额外烹调,将生果切好,再同其他嘢组合晌一齐就完成,只要唔系摆咗好耐唔新鲜嘅话就唔会难食。朋友嘅石板街朱古力窝夫,系用鲜忌廉,迷你棉花糖,果仁同曲奇味雪糕伴碟.我食咗少少,窝夫同我之前晌第二度食到嘅有少少分别,呢度嘅质感唔脆唔腍同较松化,我觉得佢个质感有少少似布朗尼.但佢嘅朱古力味唔浓,感觉一般,不过朋友就话OK.