影片
更多
2021-12-26
940 浏览
今晚放工去海港城买圣诞礼物俾朋友，好多餐厅外都人头涌涌，咁啱见到商场广告介绍《个园竹语》新店试业，大概因为未有参与商场餐饮券优惠，未见人龙，试吓先一入餐厅，就觉得环境舒适，餐桌间距离够远，空间感相当充足，除咗餐厅嘅设计用咗竹做主题，仲睇得出佢哋连餐具都作出精心嘅挑选：刻有竹纹嘅碟同茶壸 🫖 🎋，翠绿装饰嘅筷子🥢等等⋯职员服务相当殷勤，好有效率地端上茶及前菜，对呢间试业中嘅餐厅first impression相当满意～ ☺️餐前小食鱼仔干🐟，咸淡得宜，有助吊起胃口～餐牌嘅设计继续配合餐厅主题💚，运用咗竹嘅绿色🎋 其实有好多菜式想试，不过今晚食饭得俩个人，最后叫咗《手切蒜泥云香肉》、《蜜汁烧白鳝》、《石锅竹笙蟹粉炖豆腐》、《铁板上的小笼包》同《五年陈皮牛肉饼》《手切蒜泥云白肉》🧄☁️🐷白肉嘅肥瘦比例大概2:8，入口质地爽嫩粉皮晶莹剔透、质地爽滑碎粒红椒同葱令呢道菜视觉上更加吸引酱汁主要用上镇江醋同蒜泥，蒜蓉味恰到好处，唔怕食完阵蒜茸味久久不散～ 🌬 《蜜汁烧白鳝》🍯 🔥 🐟鳝件肥美，一食满口鱼油香味，蜜汁嘅甜味刚好，不过，如果鱼皮可以烧脆啲同埋转用较保温嘅碟盛载，效果会更佳《石锅竹笙蟹粉炖豆腐
一入餐厅，就觉得环境舒适，餐桌间距离够远，空间感相当充足，除咗餐厅嘅设计用咗竹做主题，仲睇得出佢哋连餐具都作出精心嘅挑选：刻有竹纹嘅碟同茶壸 🫖 🎋，翠绿装饰嘅筷子🥢等等⋯职员服务相当殷勤，好有效率地端上茶及前菜，对呢间试业中嘅餐厅first impression相当满意～ ☺️
餐前小食鱼仔干🐟，咸淡得宜，有助吊起胃口～
餐牌嘅设计继续配合餐厅主题💚，运用咗竹嘅绿色🎋 其实有好多菜式想试，不过今晚食饭得俩个人，最后叫咗《手切蒜泥云香肉》、《蜜汁烧白鳝》、《石锅竹笙蟹粉炖豆腐》、《铁板上的小笼包》同《五年陈皮牛肉饼》
《手切蒜泥云白肉》🧄☁️🐷
白肉嘅肥瘦比例大概2:8，入口质地爽嫩
粉皮晶莹剔透、质地爽滑
碎粒红椒同葱令呢道菜视觉上更加吸引
酱汁主要用上镇江醋同蒜泥，蒜蓉味恰到好处，唔怕食完阵蒜茸味久久不散～ 🌬
手切蒜泥云白肉
52 浏览
1 赞好
0 留言
《蜜汁烧白鳝》🍯 🔥 🐟
鳝件肥美，一食满口鱼油香味，蜜汁嘅甜味刚好，不过，如果鱼皮可以烧脆啲同埋转用较保温嘅碟盛载，效果会更佳
蜜汁烧白鳝
56 浏览
0 赞好
0 留言
《石锅竹笙蟹粉炖豆腐》🦀🫕
呢个石锅豆腐上枱嘅时候，啲蟹粉仲滚吓滚吓，石锅非常保温，可以慢慢食
蟹粉嘅份量比想像中还要多，爽滑嘅竹笙同嫩滑嘅豆腐配上蟹粉味浓郁嘅汤汁，毫无难度地成为今餐最喜爱嘅菜式😋👍🏻
（* 再赞👍🏻竹笙都几大片，索哂D蟹粉汁超级入味～ 加埋镇江醋同姜粒，蟹粉嘅鲜味即时再提升 ⬆️⬆️🆙)
石锅竹笙蟹粉炖豆腐
86 浏览
1 赞好
0 留言
《铁板上的小笼包》🫓🐷🫓
小笼包嘅底煎到金黄色，入口卜卜脆
小笼包整体皮薄，只系顶部相对有啲厚
猪肉馅料肥瘦适中，调味恰到好处
用原只铁板上嘅小笼包，温度保持得好好，小笼包入面嘅汤汁仲系热焫焫嘅～
呢个煮法有啲似食紧生煎包，不过一加埋镇江醋同姜丝，即时又变返小笼包～ 🤪
铁板上的小笼包
51 浏览
0 赞好
0 留言
《五年陈皮牛肉饼》🫓🐮🫓
呢个系爆汁牛肉饼，一咬落去啲汤汁飞出嚟㗎😛～小心～
牛肉饼皮松脆，陈皮味非常突出
平时嘅餐厅比较少见陈皮牛肉饼，推介大家试吓，几特别
五年陈皮牛肉饼
56 浏览
0 赞好
0 留言
虽然呢间餐厅冇参与商场嘅餐饮优惠券计划，不过，呢度环境舒适，座位宽敞，职员有礼，食物好味又有质素，我同朋友相约会再嚟一齐试埋其他有兴趣嘅菜式 😚
张贴
