影片
更多
2018-05-01
60 浏览
同事介绍过话呢间几抵食，放工就约友人黎食。八点到唔使等位，坐左喺出面，暗啲同阔落啲。间野一半系餐厅一半系眼镜铺，其实唔系好放到好多张枱。成个布置都好欢乐，入到去个人都会开心埋。前菜叫左黑醋意式沙律，友人好钟意食黑醋沙律，话食完好开胃㖞。我就冇话钟情边种沙律，叫左咪食几啖。不过黑醋系好过其他酱，冇咁腻同开胃啲。友人唔钟意饮冻野，于是叫左日本甘栗焙茶。听个名就知好饮，港人对日本野系有偏见，仲要系焙茶，实冇得输。果然，未饮已经闻到好香，饮落好香焙茶味，仲有少少甘栗味，好解腻。我就钟意饮冻野，叫左个士多啤梨沙冰。唔系好甜，同埋唔系假嘅士多啤梨味，啲冰又搞到好沙，系唔错，饮完一啖会想再饮。主菜叫左五成熟肉眼扒同猪肋骨。个肉眼扒跟薯菜，同有两个酱可以点。我食扒类都唔系好点酱，皆因想食肉嘅原汁原味。友人就话两个酱都好味，佢就轮流点。肉眼扒几juicy，不过有少少韧......个ribs都系跟薯菜，要重点推介个薯条！热辣辣，炸到好香，外脆内软，超级好食，同埋一定要趁热食，食完先慢慢叹个ribs。两个主菜都有沙律，早知前菜叫第二样，可以试多啲。个ribs略嫌有点干，不过个酱好味同好大份，都几抵食。最后，
前菜叫左黑醋意式沙律，友人好钟意食黑醋沙律，话食完好开胃㖞。我就冇话钟情边种沙律，叫左咪食几啖。不过黑醋系好过其他酱，冇咁腻同开胃啲。
友人唔钟意饮冻野，于是叫左日本甘栗焙茶。听个名就知好饮，港人对日本野系有偏见，仲要系焙茶，实冇得输。果然，未饮已经闻到好香，饮落好香焙茶味，仲有少少甘栗味，好解腻。
我就钟意饮冻野，叫左个士多啤梨沙冰。唔系好甜，同埋唔系假嘅士多啤梨味，啲冰又搞到好沙，系唔错，饮完一啖会想再饮。
主菜叫左五成熟肉眼扒同猪肋骨。个肉眼扒跟薯菜，同有两个酱可以点。我食扒类都唔系好点酱，皆因想食肉嘅原汁原味。友人就话两个酱都好味，佢就轮流点。肉眼扒几juicy，不过有少少韧......
个ribs都系跟薯菜，要重点推介个薯条！热辣辣，炸到好香，外脆内软，超级好食，同埋一定要趁热食，食完先慢慢叹个ribs。两个主菜都有沙律，早知前菜叫第二样，可以试多啲。个ribs略嫌有点干，不过个酱好味同好大份，都几抵食。
最后，叫埋个心太软作结。热辣辣加埋流心朱古力，好好食。好香浓嘅朱古力味，加埋冻冰冰嘅雪糕，好正！😝😝
张贴
