牛寶寶 (已結業)

去4楼买急冻海产，见到＜牛宝宝＞的易拉架，店名好有趣，就决定翌日试佢地嘅早餐。我地公司喺＜牛宝宝＞对面大厦，要买满一百蚊才送外卖，好在今日有4条友一齐落柯打，一定凑够数。打开外卖袋，八个眼球都被牛油包包吸引~因为附近几家餐厅都唔系用哩种包包，摸上手，男同事惊呼 : 「个包仲暖㗎！」，另一位男同事已急不及待大啖咬 : 「好味呀！」望下张收据，原来冻饮及外卖盒都唔使加钱，又系一个惊喜~另，真系俾巨型庵列的size吓亲~女同事话猪扒咸咗DD，我就觉得庵列淡咗D，如果加少少黑胡椒粉就完美勒~