影片
更多
2012-11-13
123 浏览
寿司连锁店，但系每间质量同味道都会有好大分别。食过好多间元气，暂时最满意既系黄埔、尖东、铜锣湾、观塘 APM、佐敦、旺角朗豪坊分店啰。是晚食自己，一个人外卖啦 ﹗心情唔多好，要劲食寿司、劲食刺生减压 ﹗都系第一次买元气外卖，食野当然系堂食最好味 ﹗炸墨鱼咀，炸得香脆，墨鱼咀爽口带咽靭，加点鲜柠汁更添鲜味又可以除去油腻腻感觉，好味 ﹗软壳蟹手卷，纸菜以独立密封式胶包装，为保持其脆口质感，外卖直到进食时唔会腍劈劈，好细心。不过要自己卷都几麻烦，我都鸡手鸭脚先卷好个手卷，仲搞到一地都系。软壳蟹炸得干爽脆口，肉质鲜嫩，蟹肉味浓、蟹膏甘香，多年都保持高质数。加上千岛酱份外醒胃，又可减低油炸感 ﹗好味 ﹗每次必食软壳蟹。寿司饭虽然过份黏口、湿气较重带淡淡醋香，都算合格啦。烧牛肉寿司，牛肉味浓亦好 juicy 配上生葱同吃，特别惹味 ﹗我一向都唔食葱，但依个一定要食 ﹗特大蟹柳寿司，我误会左系千两巨形蟹棒添，完全系两回事 ﹗蟹柳偏甜，味道十分假，我唔系要依啲呀 ﹗海胆军舰，唔好比佢既外表欺骗到呀 ﹗仲以为全部系 完整一片片既上等马屎海胆，原来上面就一片片，下面就垫住海胆浆糊，非常黏口，味道浓郁沉实似
寿司连锁店，但系每间质量同味道都会有好大分别。食过好多间元气，暂时最满意既系黄埔、尖东、铜锣湾、观塘 APM、佐敦、旺角朗豪坊分店啰。
是晚食自己，一个人外卖啦 ﹗心情唔多好，要劲食寿司、劲食刺生减压 ﹗都系第一次买元气外卖，食野当然系堂食最好味 ﹗
炸墨鱼咀，炸得香脆，墨鱼咀爽口带咽靭，加点鲜柠汁更添鲜味又可以除去油腻腻感觉，好味 ﹗
软壳蟹手卷，纸菜以独立密封式胶包装，为保持其脆口质感，外卖直到进食时唔会腍劈劈，好细心。不过要自己卷都几麻烦，我都鸡手鸭脚先卷好个手卷，仲搞到一地都系。软壳蟹炸得干爽脆口，肉质鲜嫩，蟹肉味浓、蟹膏甘香，多年都保持高质数。加上千岛酱份外醒胃，又可减低油炸感 ﹗好味 ﹗每次必食软壳蟹。寿司饭虽然过份黏口、湿气较重带淡淡醋香，都算合格啦。
烧牛肉寿司，牛肉味浓亦好 juicy 配上生葱同吃，特别惹味 ﹗我一向都唔食葱，但依个一定要食 ﹗
特大蟹柳寿司，我误会左系千两巨形蟹棒添，完全系两回事 ﹗蟹柳偏甜，味道十分假，我唔系要依啲呀 ﹗
海胆军舰，唔好比佢既外表欺骗到呀 ﹗仲以为全部系 完整一片片既上等马屎海胆，原来上面就一片片，下面就垫住海胆浆糊，非常黏口，味道浓郁沉实似寿司蟹膏，无海胆鲜味、无海水味 ﹗怪怪的 ﹗不推介。珍宝帆立贝寿司，几好㖞 ﹗大大只带淡淡甜甜，再鲜甜点就更好，口感软垫，系个寿司饭差啰，黏口又硬实。鱿鱼寿司，不过不失啦。
三文鱼寿司，一般三文鱼略瘦，鱼脂欠奉，味道还可以啦。赤贝寿司，略为淡口，同劲鲜甜既活赤贝无得比，一试无妨。甜虾寿司，比想像中好，既滑且爽。
油甘鱼刺生，咁瘦既 ？鱼脂欠奉，肥美不足，颜色暗哑，味道好淡、质地硬净，失望啊 ﹗食过靓既油甘鱼理应鱼油鱼脂超爆，鱼肉亮亮的带光泽 ﹗鱼味浓郁，口感滑溜 ﹗依家真系天渊之别 ﹗
三文鱼刺生，不过不失啦，唔够肥美呷，脂肪纹又幼又少，好淡既甜味。
这顿一人前日式晚餐多谢 HKD260 有找，又要等又要自己攞外卖，味道又一般，不值不值。
张贴
