Mazazu Crepe (已結業)

放工前一刻，经已到左心力交粹既时候，好肚饿.....同事C提意食Mazazu Crepe！相当好，小妹初次尝试Mazazu Crepe，充满期待呀~~~~~去到门口净系见到好多款既Crepe display，都已经好吸引，加上有阵阵蛋香味！未食都已经流晒口水喇....Crepe既款式好多，有甜有咸，亦可以自由配搭，因为太多款式既关系，好难决择要边款，十五十六之际......女店员service好好呀，好主动推介Brownie配可可酱俾我地，我就拣左士多啤梨做配料，同事就拣左香蕉，可以分别试两种不同既口味！pancake 皮好薄好烟韧，仲有阵阵蛋香味~~~So nice！Bownie 有浓浓朱古力味道，而且Brownie入口仲系暖暖地同脆脆地架！再配埋士多啤梨、忌廉同可可酱，口感丰富，好配搭既组合。因为我地order要少d忌廉，所以食落唔系太甜太"溜"，味道岩岩好呀！个Crepe食到最后一啖底部都仲有忌廉同可可酱架，证明落足料！食完真系好饱同好满足呀~~~~