悅火 (已結業)

朋友话食厨师发办，去咗尖沙咀港晶中心地下嘅一间餐厅食。第一次食厨师发办，充满期待，价格都颇高，一位大约$1800。餐厅嘅环境系日式风格，挂满日式灯笼，日本画，布置日式园景，成个感觉真系好似喺日本咁！😋明太子鱿鱼渍伴三文鱼子,香鱼甘露煮,水果蕃茄,矶粒贝，你几道菜摆喺同一个碟上面，大概非常精致，用嚟打卡都好靓。有明太子鱿鱼🦑系我最钟意食嘅。水果蕃茄亦非常鲜甜。😋毛蟹刺身,马粪海胆配青柠啫喱，呢个非常新式嘅配搭，青柠啫喱放入口溶化，即刻变成左刺身同海胆嘅酱汁，非常清爽。😋北寄贝，带子，樽菜，好有传统日式味道，味道不错。😋烟熏䲠鱼，好香嘅烟熏味同好香嘅鱼味。😋深海池鱼,白身鱼薄切，刺身系一种好鲜嘅味道。😋北海道虾夷鲍鱼，鲍鱼肉好有口感，啖啖鲜甜味。😋A4和牛，超正和牛，一份有四件，配埋蒜片加上柠檬汁一齐食，味道更有层次。😋炸物，非常香脆，秋葵炸得非常好食。冬菇又脆又柔软嘅口感。😋寿司八品分别有油甘鱼，沙锥鱼，富山白虾，拖罗，吞拿鱼，金目鲷，赤鯥鱼，海胆，每一款都好正，吞拿鱼入口即溶味道浓郁。😋卷物系三文鱼卷物。😋鲷鱼清汤嘅颜色非常清淡，但充满鱼嘅鲜味。😋时令水果蜜瓜，超级多汁，清甜又解渴。