Wingman (閣麟街)

营业中

休息中

之前成日见到朋友影呢个灯牌，觉得好搞笑，一问之下原来系喺中环嘅餐厅，咁就一于今日去试吓啦。一去到就见到咁大个灯牌写住鸡翼鸡煲，好似好特别咁，而且隔离枱都喺度食紧，咁就叫咗一个嚟试吓。原来佢系唔辣嘅，但系有好重嘅中药味，而且啲鸡翼煮到好林，好入味。不过佢呢种味唔系个个都接受到，如果小朋友就应该唔钟意食，但系钟意中药味嘅就会好钟意。因为朋友钟意食辣，就拣咗呢个四个辣椒嘅鸡翼。一嚟到见到已经有啲惊，估唔到食落真系好辣。食唔到辣嘅或者小朋友真系唔好叫。然后呢个蒜蓉鸡翼又系好浓味，一上枱已经闻到好香。好彩佢唔辣，而且鸡翼嘅皮又脆，好啱小朋友食。我认为呢间餐厅嘅鸡翼普遍比较浓味，好香口适合送酒。而且好多打卡位，啱晒一大班朋友嚟影相倾吓计。下次都一定会再嚟啊。