影片
更多
2022-09-08
399 浏览
我嗌咗麻辣口水鸡配药膳刀削面。又要养生，又要麻辣，感觉好矛盾，又无咁有罪恶感😁。刀削面好烟靭，口感几好。钟意食烟靭面体嘅朋友应该会喜欢，而且份量都几足够。汤底系淡淡嘅药膳味。用砂锅装真系食到尾都热辣辣。整体来讲味道偏温和清淡，配一啲重口味嘅𩠌就好适合啦。口水鸡味道中上，几好食。除咗蒜头、辣椒粒同花生粒，仲有啲豆豉喺上面。我觉得系加分同惹味咗嘅。口水鸡底下就系个汁同红油，再垫咗层青瓜。食到咁上下可以整啖青瓜清清口，帮条脷降下温。鸡肉都唔会嚡口，不过都几多骨下。个人觉得调味可以再咸啲同辣啲，啲鸡都可以再冻啲，咁就会更加好食。另外两位朋友就拣咗猪软骨同滑鸡。猪软骨其实都几好食，不过对我来讲就唔够味去搭配较清淡嘅药膳面，滑鸡更加系太温和啦。🤣唔食得辣嘅可以试下，但食得辣嘅会推荐食口水鸡先。👍
刀削面好烟靭，口感几好。钟意食烟靭面体嘅朋友应该会喜欢，而且份量都几足够。汤底系淡淡嘅药膳味。用砂锅装真系食到尾都热辣辣。整体来讲味道偏温和清淡，配一啲重口味嘅𩠌就好适合啦。
口水鸡味道中上，几好食。除咗蒜头、辣椒粒同花生粒，仲有啲豆豉喺上面。我觉得系加分同惹味咗嘅。口水鸡底下就系个汁同红油，再垫咗层青瓜。食到咁上下可以整啖青瓜清清口，帮条脷降下温。鸡肉都唔会嚡口，不过都几多骨下。个人觉得调味可以再咸啲同辣啲，啲鸡都可以再冻啲，咁就会更加好食。
另外两位朋友就拣咗猪软骨同滑鸡。猪软骨其实都几好食，不过对我来讲就唔够味去搭配较清淡嘅药膳面，滑鸡更加系太温和啦。🤣唔食得辣嘅可以试下，但食得辣嘅会推荐食口水鸡先。👍
14 浏览
0 赞好
0 留言
18 浏览
0 赞好
0 留言
张贴
