B&S 西班牙小食坊 (已結業)

琴晚同个friend系观塘食饭，谂左好耐食咩，最后决定系东广场度揾嘢食。行咗一转，要系两间西餐厅度做抉择，最后拣咗呢间食西班牙野嘅餐厅我个friend本身想食呢度嘅猪同鸡，点知鸡下脾卖晒，所以拣咗西冷牛扒。而猪都有好多款，老板娘过嚟介绍完之后，决定食黑毛猪原味比较重而且半肥瘦嘅梅头肉。梅头叉烧系有叉烧酱，本人比较喜欢食原味野，所以就拣梅头肉。西冷牛扒叫左5成熟，都几香，食头两旧都嫩，之后就有少少overcooked. 不过都香同有肉汁，唔错唔错黑毛猪梅头肉，第一次食甘好味嘅烤猪，有肉汁，香，肥瘦嫩滑啱啱好！原来西班牙猪都几正，个老板话会定期去西班牙度睇食材，成件事劲有心！呢个黑毛猪真心要试，下次黎食等我试下夹心肉先呢个系lunch menu，其实lunch 黎食真系平好多。不过份量就唔清楚...横掂住附近，有机会都过黎食下lunch其实喺东广场都几多好嘢食，如果要系观塘揾食，但又谂唔到食咩，不妨去东广场走返转，餐厅种类都算多，应该会揾到啱你心水嘅