瀛 ‧ 日式料理 (已結業)

今日去探下朋友家，两个人，就落附近嘅坑口村食饭，呢一间新开业嘅日本料理餐厅，朋友食过大力推介，今晚带我去试一试！平日嘅晚上，坑口村吾算热闹，反而我喜欢这种宁静，一入到餐厅，装修别致，墙上有吾同日式挂画，提升了日本风味，我地坐住卡位，sofa干净地方够大坐得舒服，环境吾错。我地嗌左一个什锦鱼生饭，海胆刺身，三文鱼刺身，同串烧一口和牛！一嚟就上左三文鱼刺身先，上碟好靓，有鲜花做伴碟，虽然得三片，但劲好食，厚切，好鲜甜，又冇雪味！吾错！海胆刺身系推介的，真系好正，忘了系咩品种，老板介绍过的，好似话冇咁易出水，所以食落口感好似冇咁溶身，但海胆味好浓，仲好食，份量都几多，有紫菜俾你包住食！好味！其后嘅什锦鱼生饭，卖相同样咁靓，而且好多鱼生，有三文鱼，油甘鱼，吞拿鱼，帆立贝，蟹桻等，全部都好新鲜好食，食落鲜甜，加了不少青瓜丝口感丰富。最后嗌左串烧一口和牛，做紧特价买一送一几抵，有埋salt自己点，牛烧得岩岩好，吾会un，好有牛味，好食！最后我地仲嗌左雪糕，好似好特别好吸引，老板又推介所以饱饱都试下，食左绿茶同紫薯味，好软身好滑，又吾会太甜，好满足！因为新店关系，keep单一个月再嚟光顾仲有八折优惠