Bingo & Cook (駱克駅) (已搬遷) 新店位置

今日约咗个 friend去食韩国菜，因为好耐之前曾经嚟过呢间 Bingo & Cook, 觉得唔错，所以今晚专登带个 friend 嚟食。我哋点咗猪脚配米酒同埋牛肉炒粉丝。猪脚配米酒系用好大只碟盛载，啲猪脚唔算好浓味，要用生菜包住，再夹著配料同酱料先好食；米酒甜甜哋，以为可以大大口饮，点知饮完两碗已经成面红晒，唔知有几多度酒精，可能都会饮醉人。牛肉炒粉丝系用一只汤碗上的，望见以为好细碗，食落都好多料，味道相当浓，粉丝烟韧入味，好好食，一啖牛肉粉丝一啖米酒，感觉超正。另外仲点咗杯蓝莓奶昔，除了可解一解酒味外，仲可当饭后甜品。