洋一居食屋 (已結業)

作为龙城常客，今次竟然系首次响度食日本菜，实在有D惭愧...老友食家突击登门造访，实在杀我哋两公婆一个措手不及。马上放低所有工作，大家好好聊一聊...两大巨头聚会，食餐饭当然少不免。上嚟OR望望，发觉原来自己未响龙城食过日本嘢。见佢平平哋，风评亦不俗，值得一试...星期天少不免要等吓位，若果连呢个时间都冷冷清清就大镬嘞...叫晒佢哋"味自慢"嘅嘢。广岛石蚝烧，蚝不算十分肥美，个sauce就几creamy，但落得柠檬汁太多，酸到晕，活该活该...蟹膏虾籽炒饭，饭炒得粒粒分明，虾籽味好"抢"，系全晚最好嘅一道菜...炒杂菜太咸，麻麻哋...太座叫嘅uni甜虾寿司，虾好似有D营养不良咁；uni颜色味觉都觉有D嗳昧，完全唔合格...海鲜烧饼sauce唔够多之余，煎得亦死死实实。完全冇得同日本原产地相比...价钱相宜，食物水准当然亦将货就价la，打死无怨...