Amber

营业中

休息中

第一次系生日嚟食Amber，觉得好食，所以第二年，同其他朋友庆祝生日都系嚟呢间食，𠮶时仲keep到水准，估唔到事隔两年，第三次嚟食，已经keep唔到个水准，而且仲要超级失望。价钱方面贵咗，唔紧要，因为我嚟食个环境同食物质素，兼且服务态度 。除咗个鱼子海胆keep到（我都系主要为咗想食呢个）但其他菜式我真系觉得好一般，卖相亦都好一般 。当日仲有个小插曲，原本我哋上网望到嘅package，当日餐牌冇，然后佢话promotion过咗，我即时上网俾佢睇，佢就话网上未update，我真系体验超差，喺呢个餐厅，呢个价钱，得到咁嘅服务。最后个侍应叫咗经理过嚟，佢Offer咗个冇酒精嘅用餐俾我男朋友，我就照食佢而家新呢个Menu。总括嚟讲，唔会再嚟第四次了，就算有几想食呢个鱼子海胆，好可惜，都唔会再嚟了 。