影片
更多
2016-01-24
1504 浏览
莆田之前系佢开张嘅时候已经系试过一次。由一个福建人系新加坡开嘅，主打新鲜嘅海鲜同埋简朴嘅农家菜。今晚同埋屋企人黎再次到访，5个大人加2个BB，门口等既时候有热姜茶俾客人试，超辣，大爱呀，而且BB一人又有一个造型吹气扭扭气球。兴化米粉兴化米粉原来系有当地农民纯手工制作嘅，听讲好有来头，已经被列入为非物质文化遗产。兴化米粉嘅粉条好幼细，如发丝般均匀，加埋d紫菜、花生同虾，整体感觉融洽。极品椒盐猪手猪手外皮呢好脆，而且入边呢就好稔，一D都唔肥，，因为经过左长时间嘅烹调，所以猪手入边嘅肥肉其实已经慢慢溶晒，剩番只系丰富嘅骨胶原，女仔食咗都唔怕肥呢。百秒黄花鱼系老人家最欣赏嘅一道菜。新鲜嘅小黄花鱼重量岩岩好，而且肉质鲜美滑嫩，保留着清新嘅原味。慢慢将鱼系鱼汤𠮶度浸熟，所以细路仔都啱食。冰浸苦瓜个苦瓜真系考验到大厨精湛嘅刀工。经过冰镇左，师傅再将呢啲苦瓜慢慢切薄片，砌成一朵花咁，点埋蜜糖就可以食出到苦瓜嘅甜，清新！九转小肠有个火热住上既，整左好耐，所以肠完全稔晒，无渣既，一层又一层咁套著，貌似简单，却系难度菜呀！莆田扁肉汤$78扁肉汤其实就好似一个云吞汤咁，肉质弹牙，汤清甜，BB都饮几碗。莆田醉海
莆田之前系佢开张嘅时候已经系试过一次。由一个福建人系新加坡开嘅，主打新鲜嘅海鲜同埋简朴嘅农家菜。今晚同埋屋企人黎再次到访，5个大人加2个BB，门口等既时候有热姜茶俾客人试，超辣，大爱呀，而且BB一人又有一个造型吹气扭扭气球。
兴化米粉兴化米粉原来系有当地农民纯手工制作嘅，听讲好有来头，已经被列入为非物质文化遗产。
兴化米粉嘅粉条好幼细，如发丝般均匀，加埋d紫菜、花生同虾，整体感觉融洽。
极品椒盐猪手猪手外皮呢好脆，而且入边呢就好稔，一D都唔肥，，因为经过左长时间嘅烹调，所以猪手入边嘅肥肉其实已经慢慢溶晒，剩番只系丰富嘅骨胶原，女仔食咗都唔怕肥呢。
百秒黄花鱼系老人家最欣赏嘅一道菜。
新鲜嘅小黄花鱼重量岩岩好，而且肉质鲜美滑嫩，保留着清新嘅原味。慢慢将鱼系鱼汤𠮶度浸熟，所以细路仔都啱食。
冰浸苦瓜个苦瓜真系考验到大厨精湛嘅刀工。经过冰镇左，师傅再将呢啲苦瓜慢慢切薄片，砌成一朵花咁，点埋蜜糖就可以食出到苦瓜嘅甜，清新！
九转小肠有个火热住上既，整左好耐，所以肠完全稔晒，无渣既，一层又一层咁套著，貌似简单，却系难度菜呀！
莆田扁肉汤$78扁肉汤其实就好似一个云吞汤咁，肉质弹牙，汤清甜，BB都饮几碗。
莆田醉海蛎$88将d蚝上粉炸到脆一粒粒，之后浇个酸甜汁。粒粒脆，包著鲜鲜肥美蚝仔，在口腔爆发
包菜拌饭$78老人家始终都想食d饭落肚，亦系menu上为一选择。比较著通，只加了椰菜、鸡蛋、豉油咁，麻麻地。
黄金荷叶包$84就系中式hamburger吧，炸左既馒头，顾客自己加d肉丝落去夹住，几惹味特别。
整体菜式唔错，服务好，装潢靘得体，系第二次光顾既原因。
张贴
