申子居酒屋

营业中

休息中

第二次黎铜锣湾申子居酒屋食饭啦🏮 之前黎食过一次 觉得食物质素好高 而且环境亦都好适合朋友聚会 饮下酒倾吓偈😝🍀申子海胆和牛烧依个一定要试吓 店员会喺我哋面前即时用火枪烧 系食之前有视觉上享受 同时间又可以闻到和牛嘅香味 最后分碟就食得😆 如果个口够大嘅话 记得一啖放落口食 感受一下海胆同和牛系口中溶化嘅口感 再享受一下浓郁嘅香味🥰🍀极上盐烧牛舌芯牛舌芯嘅厚度恰到好处 烧嘅火候亦都啱啱好 表面有少少焦㶶 更加香脆😚 口感有嚼劲 味道又香浓 好好食😋🍀舞茸豚肉卷依个嘅味道同样好浓郁好入味 舞茸嘅咬口 加埋豚肉味嘅浓郁 再配埋烧汁 好惹味👅🍀鸡肾串/鸡软骨串正常发挥 烧嘅时间岩岩好 弹牙有咬口 都吾错😉🍀鲜蟹肉粥食完咁多吾同嘅浓味食物 再食几啖鲜蟹粥中和一下 好满足😚 蟹籽分量好多 每一啖都咬到☺️