影片
更多
2017-05-20
1115 浏览
2017年5月17号天晴早上11点八点几起身忽发其想趁今日有少少时间，快快手冲完个凉换好衫化好妆去食个梦幻三文治，我嘅目标系要10:00去到，很可惜拖拖延延，11先至去到，老板娘一句冇嘢买啦。。。我只好伤心地离开。我同身边嘅朋友讲，七次都食唔到，佢哋话我点解咁有恒心去到第七次都坚持会去，我话我净系想出trip之前食到呢度嘅咸牛肉煎蛋，很可惜最后一次机会都冇啦。2017年5月18号天晴中午12点今日系我第八次行到过嚟食裕兴，各位千祈唔好以为我系食咗第八次，系泥左七次都食唔到。今日系超级超级忙嘅一日，有700样嘅工事，有N个会要开，要一日里面做好一个月嘅数。点知失魂阿哥一早唔记得攞嘢，又要我抽时间特登攞比佢，既然嚟到中环，十二点又要赶返工又未食过野，已经灰到呕嘅我，决定再博一次，如果今次我都食唔到，我认命！阿哥问我咁你食咩啊？我答佢一句裕兴，佢讲咁耐冇一次系食到，我答佢我来左七次都食唔到。今日系最后机会，博一下无所谓。行到上嚟12点钟，坐咗大概七成位，我坐低用上好诚恳嘅眼光望住老板啦，老板娘望一望我冇晒三文治啦公仔面啱唔啱啊？呢一刻我有说不出的感动，我唔系再听到冇嘢食啦，下次早啲啦！而系同
早上11点
八点几起身忽发其想趁今日有少少时间，快快手冲完个凉换好衫化好妆去食个梦幻三文治，我嘅目标系要10:00去到，很可惜拖拖延延，11先至去到，老板娘一句冇嘢买啦。。。我只好伤心地离开。我同身边嘅朋友讲，七次都食唔到，佢哋话我点解咁有恒心去到第七次都坚持会去，我话我净系想出trip之前食到呢度嘅咸牛肉煎蛋，很可惜最后一次机会都冇啦。
2017年5月18号天晴
中午12点
今日系我第八次行到过嚟食裕兴，各位千祈唔好以为我系食咗第八次，系泥左七次都食唔到。今日系超级超级忙嘅一日，有700样嘅工事，有N个会要开，要一日里面做好一个月嘅数。点知失魂阿哥一早唔记得攞嘢，又要我抽时间特登攞比佢，既然嚟到中环，十二点又要赶返工又未食过野，已经灰到呕嘅我，决定再博一次，如果今次我都食唔到，我认命！
阿哥问我咁你食咩啊？我答佢一句裕兴，佢讲咁耐冇一次系食到，我答佢我来左七次都食唔到。今日系最后机会，博一下无所谓。
行到上嚟12点钟，坐咗大概七成位，我坐低用上好诚恳嘅眼光望住老板啦，老板娘望一望我冇晒三文治啦公仔面啱唔啱啊？
呢一刻我有说不出的感动，我唔系再听到冇嘢食啦，下次早啲啦！而系同我讲我有选择嘅权利。真心我好想食三文治但我知道呢个时间系唔会有可能有。
咸牛肉鸡蛋，"要等20分钟㖞"老板娘友善咁样通知，等！我当然等啦！我嚟咗八次，又点会因为20分钟要唔等？
耳边听到打蛋声，听到火炉嘅声音，20分钟后美丽期待已久嘅咸牛肉炒蛋公仔面终于嚟到我嘅面前。
又圆又大嘅咸牛肉煎蛋上枱嘅时候仲睇到啲油响度滚，金黄色我外边香浓，美味嘅煎蛋下便系，煮得唔会太熟刚刚好嘅椰菜，大少少油又唔会太淋，底层当然不少得就系美味嘅出前一丁公仔面，水唔多，亦都唔会住得太淋，带点硬度，煮一个好食嘅公仔面其实都唔容易。
我好钟意呢一种坐系街边，食住简单嘅公仔面的感觉，可能隔离有一班地盘工作人员，饮住啤酒讲住粗口，你可能觉得佢系噪音但系我觉得呢一种感觉都蛮舒服，因为我睇到佢哋虽然粗鲁但十分友善。
呢一度嘅奶茶同样依然水准，奶茶两者配合得好好，不过少甜仍然过甜。我见到隔离𠮶位先生同我一样大同一个公仔面，佢嚟到嘅时候望住碗面的眼神，我知道佢同我一样，好感动耶！
然后我好开心咁样将呢一张相send比一个个朋友，得到嘅回覆系"傻婆" "有冇咁好食" "我次次都食到㖞点解你次次食唔到" what ever ~ 其实呢个公仔面唔系特别到要去七次，但有好多野无得解，至少我为自己想食嘅嘢努力，最后都比我食到！
美食同爱情都系一样，你知道只有甚么最吸引你。
张贴
