鮮入圍煮 (已搬遷) 新店位置

我地终于黎到鲜入为煮喇!!!! 要早一个月book枱，我地就睇下系咪真系咁正！环境装修到似大排档，仲有个档口俾系拣海鲜，又有肉档切牛肉，的确好有新鲜感。由于系限时，我地一坐低就拣汤底，我地拣左原只鸡花胶煲！听到都觉得正啦~个汤底一黎就先一人饮一碗先，好浓嘅鸡汤，花胶都唔少呀，好足料，好正呀！D野食陆陆续续上枱，有手切牛肉，姜汁皮蛋贡丸，芝士牛丸，响铃，冰豆腐，油炸鬼，鹅肠，龙虾丸，叫到成枱都系野食，好丰富呀！样样都唔错，特别推介系姜汁皮蛋贡丸同鹅肠，反而芝士牛丸嘅芝士太浓，遮左牛丸嘅味道。依度人流的确好高，够钟就真系要走架喇，所以都要把握时间，下次再黎试下佢D海鲜！