意樂餐廳 (翠屏(北)商場)

营业中

休息中

话说最近观塘翠屏开左一间意乐，于是就去试下。 可能大家唔熟观塘的翠屏，同大家介绍番。翠屏系一个冇大商场的旧式屋邨，基本上餐厅嘅数目寥寥可数，如果住得耐嘅话，基本上食物嘅选择系冇乜嘅。 而且可能区内嘅老人家比较多，所以中式餐厅或者食物就会比较多，区内亦都系欠缺一间西餐厅，而意乐今次嘅开张就令区内有返一间大家期待已久，而且比较似样嘅西餐厅。 相信区内嘅市民同埋返工嘅人都期待咗好耐喇，点解会咁讲呢？就系因为开业到而家基本上每一日都系爆满嘅。 今次我就系晚市叫咗个鸡扒滑蛋配茄汁饭， 咁本身呢个饭呢系跟蒜蓉汁嘅但系由于我唔系好钟意食蒜蓉所以就要求店员改咗番茄汁。店员都好好帮我改左。 呢个饭就53蚊，唔跟任何嘢饮同餐汤，而且我今次系叫外卖，所以感觉上个饭出到嚟，就比较普通。鸡扒不过不失，都系用扒炉煎出嚟，调味唔错鸡扒亦都有肉汁，但系就唔好期望有脆边呢啲嘢啦。个蛋都值得一赞，因为本身系叫外卖所以都预咗佢比较老，但系出到嚟都几嫩滑有啲惊喜。茄汁酸甜适中，都系普通茶餐厅食到𠮶种啦，唯一要赞既系份量够多，够捞饭。饭就争少少，系普通白饭，而且比较淋身。