粉制良品

营业中

休息中

深水埗美食多就毋庸置疑，而且好多卧虎藏龙嘅小店，隐藏好多民间美食，呢间相信系其中一间。《粉制良品》主打筲箕河粉。呢个名词对我都好新颖。河粉就食得多，筲箕河粉真系第一次听。原来系严选陈年梯田糙米，再经过超过1800次碾磨，令米浆变细腻幼滑，再以筲箕蒸粉。整个过程都坚持人手制作，而且现蒸现切，好新鲜。分别试左手撕鸡筲箕河粉同麻辣猪肚筲箕河粉。本身好惊啲河粉好易烂，但完全唔会，而且真系好滑。配料份量都唔少，手撕鸡够滑够香、猪肚爽弹麻辣味够惹味。每碗仲有啲青瓜丝同花生粒，加埋秘制嘅蒜蓉酱汁会令成件事更好味。整体系几有惊喜。加配左一支自家豆浆，甜度刚好，够细滑。