蘇媽.蘇媽馬來西亞茶餐室

营业中

休息中

星期五放工去咗旺角买嘢，顺便去食好耐冇食过嘅苏妈苏妈，好挂住𠮶个老鼠粉😆招牌砂煲老鼠粉 $88呢个老鼠粉一上枱即刻捞匀生鸡蛋同埋肉碎、脆脆炸鱼仔、葱花、炸蒜各种配料，用砂煲嘅热力爆炸几下真系香喷喷，老鼠粉好入味好惹味，虽然材料简单，但系味道好好，而且几香口。辣死你吗配烤鸡髀 $68睇到个名惊咗，以为会到喷火，所以拣咗酱汁另上，点知又估佢唔到㖞，我觉得又唔算好辣㖞。原来系参巴酱，几浓味惹味，用嚟配个椰汁斑兰饭再加啲炸花生同埋炸鱼仔好好食。烤鸡髀好香口，鸡皮烤得好香，鸡皮少少油滋滋嘅感觉配埋啖啖肉嘅嫩嫩鸡髀肉好好味。