Italian Tomato Café (MOSTown新港城中心) (已搬遷) 新店位置

虽然对面开咗间新嘅西餐厅，但系见到个价钱有啲贵，所以都系帮衬返呢间。嘢食唔可以话非常好食，但系咁嘅价钱食返咁嘅嘢，当简简单单解决一餐。午餐包餐汤，主菜加嘢饮，叫做咩都有。我叫咗香蒜干蕃茄烟鸭胸磨菇意粉($78)。餐汤够热偏咸，饮得出系西兰花忌廉汤，但店员放低嘅时候无讲系咩汤。意粉个味麻麻地，除咗佢个名有嘅𩠌之外仲有三色彩椒。呢个意粉偏干身但系好彩唔会油冧冧。餐茶要咗热柠水。男人老狗就无加蛋糕喇，虽然系呢间餐厅嘅主力。