一汁一菜 (源成中心)

营业中

休息中

成日经过想试好耐，难得今晚唔系好肚饿，就同朋友黎一尝日本轻食。店内装修简洁，以木系风格为主，企理雅致，店员亦亲切友善。特选2人前$208法式龙虾汤味道浓郁，入口顺滑又creamy，仲食到粒粒弹牙爽口虾肉，超级惊喜。期间限定的墨西哥风牛油果鸡肉蔬菜浓汤，配搭好新鲜，未饮过牛油果汤，味道酸酸辣辣好开胃，仲食到粒粒牛油果同鸡肉，仲冇好多蔬菜如三色椒蕃茄等，健康满分。豚肉寿喜烧好丰富的材料，有入味的卤豆腐同芋丝，仲有好多片豚肉，肥瘦均匀，切成薄片好易入口，味道甜甜入味，送饭岩哂。田舍鲭鱼味噌煮冇咩骨，味噌味好出，简单煮法，已经带出鲜味。豚肉丸子豆乳咖哩饭日式咖喱一向偏甜唔辣，配料例如薯仔红萝卜吸哂咖喱汁，超级入味，丸子口感似豆腐，好得意的配搭，而且份量十足，两个人分享都够食。日本米饭珍珠米饭粒粒分明，软硬适中。包冷热茶类饮品，如红茶、绿茶同乌龙茶。浓厚焙茶布丁$39估唔到焙茶同布丁咁夹，口感绵密，鸡蛋味都好浓郁，外有一层焦糖酱，甜度适中，完全唔会食到茶的苦涩味。📌一汁一菜（源成中心）地址：观塘开源道64号源成中心地铺评语店员友善好客食物选择众多🐵推介🍌🍌🍌🍌🍌（5🍌为满分）#foodie #美